Firmosni peticionin kundra ndryshimit te kufijve detare me Greqine

[sabah]

I lutem të gjithë qytetarëve që e duan vendin e tyre, mos rrini indiferent përballë një fakti që nesër historia shqiptare do ta njohë për një skandal të jashtëzakonshëm, minimalisht nënshkruani peticionin për ta ndalur ratifikimin e këtij projektligji, askush nuk vendos për fatet tona nëse ne e kundërshtojmë, Shqipëria nuk është pronë private e askujt.
Ju lutemi firmosni tek linku:Kundra ratifikimit nga parlamenti, të marrëveshjes shqiptaro-greke për përcaktimin e kufijve detare mes tyre. - Petition - Sign this petition here - Signature page - GoPetition (http://www.gopetition.com/online/31143/sign.html)

[sabah]

Teksti i peticionit eshte si me poshte:
Petition:
Drejtuar:
1. Presidentit te Republikës së Shqipërisë
2. Kuvendit të Republikës së Shqipërisë...
3. Kryeministrit të Republikës së Shqipërisë
4. Kryetarit të Kontrollit të Lartë të Shtetit

Për dijeni:
Gjykata Kushtetuese e Republikës së Shqipërisë
Kryetarit të Kuvendit
Konferencës së Kryetarëve të Kuvendit
Byrosë së Kuvendit

Baza Ligjore:
Nenet 48 i Kushtetutës dhe neni 11 i Konventës Europiane për Mbrojtjen e të Drejtave dhe Lirive Themelore të Njeriut.
Ne, shtetas e Republikës së Shqipërisë, të indinjuar thellësisht nga projektligji që pritet të ratifikoje marrëveshjen ndërkombëtare midis Republikës së Shqipërisë dhe Republikës së Greqisë “për përcaktimin e kufijve detar midis dy vendeve”, kemi ndërmarrë këtë iniciativë qytetare për t’iu drejtuar kërkesa të caktuara nëpërmjet këtij peticioni.
Duke pasur parasysh, kritikat e mëdha që i janë bërë kësaj marrëveshjeje nga ekspertë të mirënjohur; mungesën e theksuar të transparencës përgjatë negocimit të kësaj marrëveshjeje dypalëshe; shpejtësinë e pashpjegueshme të procedurave administrative dhe parlamentare nëpër të cilën ka kaluar ky projektligj; mungesën e debatit në komisionin e ligjeve dhe kalimin e saj menjëherë për votim dhe për në seancë plenare; afrimin e frikshëm të datës së diskutimit dhe miratimit në seancë plenare; nenin 131 të Kushtetutës ku shprehet se kushtetutshmëria e marrëveshjeve ndërkombëtare mund të shikohet vetëm para ratifikimit të saj nga Kuvendi, e vlerësojmë tepër të rëndësishme përfshirjen e sa më shumë institucioneve kushtetuese në këtë lloj vendimmarrjeje, në mënyrë që të respektohet integriteti territorial i Republikës sonë, sovratiteti i shtetit dhe Kushtetuta e tij.
Arsyeja e këtij peticioni është fakti që NE NUK JEMI TË BARABARTË NË KËTË MARRËVESHJE EDHE PSE E KEMI FIRMOSUR ATË.

UJDHESA OTHONOI është konsideruar si fillim për llogaritjen e DSH të Greqisë, si në drejtim të perëndimit ashtu dhe atë veriperëndimor, duke mos marrë parasysh veçoritë dhe kërkesat që jep UNCLOS. Kjo i ka dhëne një përparësi shumë të madhe Republikës së Greqisë, duke cënuar hapësirat ujore tradicionale të Shqipërisë.
Kështu, kërkojmë interesin më të madh për këtë çështje me përmasa kombëtare të institucioneve të cilave u drejtohet ky peticion. Në përputhje të plotë me nenin 134 të Kushtetutës pika 1, gërma “a”, “b”, “c”, “ç”; në përputhje me nenin 131 gërma “b” të Kushtetutës, nenit 49 të ligjit nr. 8577, datë 10.02.2000 “Për Organizimin dhe Funksionimin e Gjykatës Kushtetuese të Republikës së Shqipërisë, kërkojmë nga:

1. Presidenti i Republikës, që të marrë të gjitha masat e nevojshme, në përputhje me autoritetin, kompetencat dhe mundësitë që i njeh Kushtetuta dhe Ligji për të inicuar një gjykim kushtetues paraprak me qëllim që Gjykata Kushtetuese të shprehet përfundimisht për pajtueshmërinë e kësaj projektmarrëveshjeje me Kushtetutën;
2. Kuvendit të Republikës, që në përputhje me Kushtetutën dhe me Ligjin t’i kërkojë Gjykatës Kushtetuese të shprehet mbi kushtetutshmërinë e kësaj marrëveshjeje, duke pasur parasysh që kërkesa të vijë nga minimalisht 25 deputetë të këtij Kuvendi;
3. Kryeministrit të Republikës, që në përputhje me Kushtetutën dhe Ligjin t’i kërkojë Gjykatës Kushtetuese të shprehet mbi këtë marrëveshje, mënyrë që të shtohet edhe një filter më shumë në këtë vendimarrje të rëndësishme dhe kjo nismë të përmbushë standartet e transparencës së funksionimit të administratës shtetërore në një shtet të së drejtës.
4. Kryetarit të Kontrollit të Lartë të Shtetit, që në përputhje me Kushtetutën të rakordojë punën me autoritetet e lartpërmendura për të inicuar sakaq një gjykim kushtetues paraprak mbi këtë çështje.
Gjithashtu kërkojmë vëmëndjen e veçantë e Gjykatës Kushtetuese mbi këtë çështje; vëmëndjen e veçantë të Kryetarit të Kuvendit Znj. Jozefina Topalli, Konferencës së Kryetarëve dhe Byrosë së Kuvendit që të kenë parasysh kërkesen tonë në punën organizative, funksionale dhe administrative te institucionit, në planifikimin e kalendarit të punës dhe të votimit të projektligjeve.
Duke mbetur me shpresën e madhe se kërkesa jonë do merret parasysh ju urojmë punë të mbarë!

FIRMETARET:

[cuni]

ca te firmosim ne mer amon..........kush na pyt ne........ate qe kan vendos me e bo ato nuk e kthejm dot mrapç ne populli i thjeshte, as me peticon as me asisigjo!!

se po te ishte per ne nuk i falshim as 1 cm katror greqis.

krim!

[Romina]

Perkundrazi une mendoj qe populli eshte ai qe mund ta ndaloj kete tradhti kombetare...
Shqiperia nuk eshte e politikaneve por eshte e shqiptareve, eshte e te pareve tane qe kane derdhur gjakun per ate toke, prandaj populli s'duhet te rri duar kryq duke pare me keqardhje se si po na e shesin vendin (se sot po falin ujerat detare por neser do falin edhe ''Vorio Epirin''), por duhet te zgjohen nga gjumi dhe te reagojne.... te organizojne protesta te ashpra ne te gjithe Shqiperine dhe mos te ndalojne derisa kjo marrveshje te mos ratifikohet.
Peticioni dihet qe nuk mjafton, por per ne qe jemi larg kjo eshte menyra e vetme per te treguar qe jemi shume kundra kesaj marrveshjeje, gjithashtu edhe shqiptaret qe jetojne ne Shqiperi duhet te firmosin per te miren e vendit tyre se nuk u kushton asnje gje.

[sabah]

ca te firmosim ne mer amon..........kush na pyt ne........ate qe kan vendos me e bo ato nuk e kthejm dot mrapç ne populli i thjeshte, as me peticon as me asisigjo!!

se po te ishte per ne nuk i falshim as 1 cm katror greqis.

krim!Organizatoret e peticionit kane perkrahje para se gjithash nga 51 shoqata dhe organizata te ndryshme te cilat i jane kundervene ketij projektligji te qeverise (anti)shqiptare e cila kerkon tani edhe miratimin nga parlamenti shqiptar.Vota juaj ne peticionin e organizuar eshte nje plus ne zerin e protestes te atyre qe ndjehen shqiptare dhe nuk u ka humbur ndjenja e atdhedashurise per shqiperine.Politikanet te cilet po shesin interesat dhe trojet shqiptare nuk jane shumice perballe popullit shqiptar qe eshte kunder ketyre veprimeve qe pervec se tradhetare nuk mund tu vesh ndonje emer tjeter.

[admin]

Une per vete e firmosa (disa here) dhe e kam derguar tek gjithe ata qe njoh. Po e nis me email tek te gjithe antaret.

[guest]

http://www.pafjale.com/pictures/b84e31ff40a04277b1d06b4976ecab29.jpg (http://www.pafjale.com)

[cuni]

ahahahahaahahahaahahahahahahhhahahahahaahahahahaha ahahahahhaahahahahahahahahahahahahahahahahahahahah aha .................................................. ........haahhahhhahhhhahahahahahahahahahahaaaaaaha .................................ahahahaahahhaaqha qahahahhahahah......................


un kom per ta vjedh ket foto se po me pelqekaaaaaaaaaaaaa