Kartëmonedha Të Qarkullimit

Emetime të viteve 1991, 1992, 1993, 1994, 1995, 1996

Prerja 500 Lekë emetim i vitit 1991

Vlera: 500 Lekë
Format: 159 x 79 mm
Ngjyra dominuese: e kaltër me portokalli
Hedhur në qarkullim: 28.06.1991

Pamja e përparme: Ka një grua me një luledielli pranë, vlerën të spostuar në të djathtë, kombinuar me një ornametikë.

Pamja e prapme: Është dhënë një pejzazhi malor i Shqipërisë.

__________________

Vlera: 1.000 Lekë
Format: 178 x 78 mm
Ngjyra dominuese: Jeshile
Hedhur në qarkullim: 01.10.1992
Detaje për elementët e sigurisë të kartëmonedhave emetim i vitit 1992.

Pamja e përparme: Në të djathtë është vendosur portreti i Heroit Kombëtar, Gjergj Kastriotit-Skënderbeut, vlera në qendër e shoqëruar me ornametikë.
Pamja e prapme: Në qendër emblema e Heroit Kombëtar, Gjergj Kastriotit-Skënderbeut , shoqëruar me Kalanë e Krujës, në të djathtë dhe vlera në të majtë .

__________________

Vlera: 500 Lekë
Format: 170 x 78 mm
Ngjyra dominuese: e kaltër
Hedhur në qarkullim: 01.10.1992

Pamja e përparme: Është vendosur portreti i Naim Frashërit, shoqëruar me vlerën në qendër.

Pamja e prapme: Është vendosur një libër, brenda të cilit duket një pejzazh malor. Në qendër ka një qiri, rrezet e dritës përbehen nga vargje të poezisë së Naimit për qiriun.

__________________

Vlera: 200 Lekë
Format: 162 x 78 mm
Ngjyra dominuese: Kafe
Hedhur në qarkullim: 01.10.1992

Pamja e përparme: Në të majtë është vendosur portreti i Ismail Qemalit, shoqëruar me vlerën në qendër.

Pamja e prapme: Në qendër ka një shqiponjë në mes të së cilës duket një pjesë e ndërtesës ku u shpall pavarësia e Shqipërisë.

__________________

Vlera: 100 Lekë
Format: 154 x 72 mm
Ngjyra dominuese: Lejla
Hedhur në qarkullim: 25.04.1994

Pamja e përparme: Është vendosur një portret shoqëruar me vlerë në të djathtë.

Pamja e prapme: Ka një pejzazh malor në qendër të të cilit është vendosur një shqiponjë. Në të djathtë është vendosur vlera e kartëmonedhës.

__________________

Prerja 5000 Lekë

Vlera: 5.000 Lekë
Format: 160 x 72 mm
Letër: sigurie e cilësisë së lartë me përbërje pambuku
Ngjyra dominuese: kafe në të verdhë
Hedhur në qarkullim: 01.01.1999

Pamja e përparme: Është vendosur portreti i Heroit Kombëtar, Gjergj Kastriotit - Skënderbeut 1405-1468 (portreti i Firences). Përfaqësuesi më konseguent dhe i shquar që udhëhoqi me vendosmëri luftën e shqiptarëve kundër pushtuesve osmanë. Gjithashtu, si elemente të tjera janë simboli i shqiponjës dykrenare, ai i mburojës dhe shpata e tij.
Pamja e prapme: Është vendosur pamja e përgjithshme e Kështjellës së Krujës, përkrenarje dhe monumenti i Skënderbeut mbi kalë, në Tiranë.
Në të djathtë poshtë dhe anash është vendosur vlera.

Detaje lidhur me elementët e sigurisë të kartëmonedhave emetim i vitit 1996.

__________________

Vlera: 500 Lekë
Format: 145 x 68 mm
Letër: sigurie e cilësisë së lartë me përbërje pambuku
Ngjyra dominuese: e kaltër
Hedhur në qarkullim: 11.07.1997

Pamja e përparme: Në anën e përparme bie në sy portreti i Ismail Qemalit (1844-1919), udhëheqës i shquar i lëvizjes kombëtare shqiptare dhe kryeministër i Shqipërisë së pavarur. Gjithashtu, janë pasqyruar simboli i shqiponjës dykrenare të flamurit të pavarësisë dhe pena me të cilën u firmos akti i pavarësisë.
Pamja e prapme: Është vendosur ndërtesa ku ushpall pavarësia dhe dhoma ku u morr ky vendim. Gjithashtu, telegrafi me të cilin u përhap lajmi i shpalljes së pavarësisë.

__________________