Juventus Fc club

Tifozat e Juventusit !!!

Shtepia Bardhe e zi .

Trezege: Seria B e Del Piero, sekretet tona

Sipas sulmuesit, objektivi i bardhezinjve është renditja mes katër të parave

Trezege, jeni golashënuesi më i mirë i kampionatit. Mendoni se mund t‘i arrini 30 gola deri në fund të kampionatit?

Do të më pëlqente... Toni ia doli mbanë dhe ishte një arritje e jashtëzakonshme, do të thosha unike. Mendoj se do ta kem shumë të vështirë. Megjithatë, e rëndësishme është se edhe Del Piero e Iakuinta po shënojnë shumë. Ale është lojtari më në formë i momentit, kërkon topin dhe shërben si urë lidhëse ndërmjet mesfushës dhe sulmit: duket që është në gjendje të mirë, jo vetëm fizikisht, por edhe psikologjikisht.

Pushimi ndërpreu momentin tuaj të mirë...

Është e vërtetë, por rigjetëm fitoren me Livornon dhe dy golat e mi erdhën në kohën e duhur. Tani fillon pjesa më e bukur: të dielën Fiorentina dhe Milani do t‘i heqin pikë njëra-tjetrës, ndërsa më pas për ne vijnë përballjet direkte me Udinezen dhe Romën. Muaji i ardhshëm do të jetë deciziv për objektivat tona.

Sa do të ndihmojë blerja e Sisokosë në arritjen e këtyre objektivave?

Shpresoj që të na ndihmojë. Nuk e njoh personalisht, por di që Ranieri e pëlqen shumë dhe ka këmbëngulur ta marrë në Torino.

Gjatë verës ishit i pari që përmendët titullin kampion: jeni ende i këtij mendimi?

Në fillim të kampionatit të gjitha skuadrat ishin të barabarta dhe unë u mundova të stimuloja shokët e skuadrës. Gjithsesi, Interi dhe Roma kanë treguar se janë të pakapshme e nëse do të vazhdojnë në këtë mënyrë, për ne do të jetë e vështirë të ngushtojmë disavantazhin. Kundërshtarët tanë janë Milani, Udineze dhe Fiorentina, pasi synimi ynë është ta mbyllim sezonin në katër vendet e para.

Juventusi ka fituar shumë pikë në minutat e fundit të ndeshjeve. A ndodh kjo sepse jeni të zemëruar për atë që ndodhi vitin e kaluar?

Jemi një skuadër që vuajti kampionatin e Serisë B dhe këtë nuk e meritonim. Tashmë që jemi kthyer në normalitet, aty ku është vendi ynë, kemi shumë dëshirë që të bëjmë gjëra të mira. Penalizimi ndihmoi në forcimin e mentalitetit tonë, besojmë dhe kërkojmë të fitojmë deri në fund. Nuk jemi të zemëruar: jemi më të fortë.

Ranieri: Lufta jonë? Çdo javë, në fushë!
14 Shkurt Rrezikon, zgjedh dhe fiton, Kladio Ranieri, i cili ka një stil krejt të veçantë nga shumë trajnerë të tjerë profesionistë, jo vetëm në Serinë A, por në qarkullim... Një strategji e cila ndonjëherë edhe e ndëshkon, por në shumicën e rasteve i jep të drejtë. Nuk i intereson nëse lojtarët që qëndrojnë në pankinë kanë kushtuar “sa qimet e kokës”, si për shembull Almiron, Tiago dhe, i fundit në rendin e merkatos, Sisoko, sepse “më intereson rezultati pozitiv dhe për të arritur atë do të bëja edhe rotacion, nëse skuadra nuk do të më jepte përgjigje të mira”. Kamoranezi është një “gomone shpëtimi” për trajnerin bardhezi, sepse italo﷓argjentinasi “mund të luajë kudo dhe një lojtar me të tilla karakteristika rrallë gjendet”. Ajo që e shqetëson është ndeshja e të shtunës, me Romën, por objektivi Champions është primar dhe “për të arritur qëllimin e vendosur në fillim të sezonit, do të japim maksimumin dhe ndeshja me verdhekuqtë mund të jetë “kthesa” e shumëpritur”.



﷓ Klaudio Ranieri, të jemi të sinqertë: në pjesën e parë ndaj Udinezes, Juventusi juaj ishte i padallueshëm. A e kishit menduar në ato 45 minuta, pas golit të pësuar, që do të ktheheshit në Torino me një fitore të rëndësishme?

﷓ Të them të drejtën, në 25 minutat e para ishte një dominim total i kundërshtarit dhe ritmi i Udinezes ishte i frikshëm, sikur të gjithë kishin ishin të djallëzuar. Ndonjëherë imagjinoja sikur po luanin basketboll dhe po e preknin topin me dorë, për shpejtësinë e kombinimeve. E dija që presingu i tyre s’do të zgjaste deri në fund. Sigurisht, djemtë e mi, për asnjë moment, nuk menduan se ishte e pamundur që të përmbysje rezultatin dhe në fund të pjesës së parë u pa qartë se kthesa nisi.

﷓ Kjo është arsyeja pse nuk kryet zëvendësime gjatë pushimit?

﷓ Sepse skuadra ishte e pranishme në fushë dhe kishte vetëm nevojë që të dilte në lojën e saj. Pse duhet të bëja ndërrime?!

﷓ Por kishte edhe nga ata që në stol kërcisnin dhëmbët nga inati, sepse donin të luanin dhe po flasim për futbollistë të kushtueshëm dhe me këmbë të forta...

﷓ Në fund të fundit, një trajner a nevojë për të gjithë: këtë më ka mësuar futbolli. Jam i sigurt se kam në dispozicion një grup konkurrues dhe e di që të gjithë do të ketë mundësi të shprehen. Do të më duhet ndihma e të gjithëve. Por, do të duhet ndihma e të gjithëve. Pres më shumë nga faza e dytë.

﷓ Një nga lojtarët e rëndësishëm, që qëndronin ulur në pankinë, ishte edhe Mohamed Sisoko: pak lëvizje në debutim, disa minuta me Kaljarin. Pse?

﷓ Tani nuk kam ndër mend që të forcoj kohët dhe pastaj, kur një person ndryshon ambjent, duhet të jetë i sigurtë që të përmirësohet. Një trajner duhet të bëjë disa zgjedhje.

﷓ Kamoranezi ka luajtur si mesfushor qendre: e kishit provuar ndonjëherë?

﷓ Një herë, në miqësoren e zhvilluar në Vilar Peroza. Por, ai mund të luajë kudo.

﷓ Kishit të drejtë: 2﷓1 për Juventusin.

﷓ Fitorja e të dielës ishte e rëndësishme, sigurisht, por edhe më shumë e rëndësishme është që djemtë janë duke punuar mirë dhe po impenjohen. Merita është e të gjithëve: që nga të rinjtë, e deri te kampionët. Pastaj, kemi një objektiv për të arritur.

﷓ Ju vazhdoni të mos flisni për objektiva, por keni më shumë frikë nga Fiorentina, që ndodhet pas, apo ju pëlqen të rrezikoni, për të kapur, pse jo, Romën?

﷓ Nuk shoh asnjë kundërshtar dhe klasifikimi është vetëm formal. Ne jemi Juventusi dhe duhet të mendojmë se si të fitojmë. Kjo më intereson më shumë se çdo gjë tjetër.

﷓ Por, të shtunën në mbrëmje, kundër Romës, keni shansin më të mirë për t’i frenuar pak dhe për të fituar terren në konkurrencën me verdhekuqtë.

﷓ Përpara ndeshjes së Udines, fola në dhomat e zhvezhjes me djemtë: “Na presin pesë ndeshje, Udineze, Roma, Rexhina, derbi dhe Fiorentina. Të shohim se çfarë mund të bëjmë”. Sigurisht, fitorja me romën mund të jetë një kthesë e madhe. Sigurisht, s’do të rreshtim së luftuari.

﷓ Shifrat flas pak për frymën e “Zonjës së Re”: 18 gola në 15 minutat e fundit, 33 në 42 në pjesën e dytë.

﷓ Ky është aspekti i karakterit të Juves dhe të parët që nuk dorëzohen janë djemtë. Këtu ka lojtar klasi, të cilët kanë luftuar në Serinë B, duke kaluar vështirësi të shumta. Kjo i ka forcuar edhe më shumë dhe po i përgjigjen akuzave të skandalit me karakter”. .

Jo vetëm dëmtimet apo mungesat e lidhura me arsye të ndryshme, por Juventusi tani duhet të kontrollojë edhe nervozizmin e tepërt dhe kjo ndodh gjithmonë në momente të veçanta të ndeshjeve. Kartoni i kuq i marrë nga Pavel Nedved, në minutën e dytë shtesë të sfidës derbi me Torinon, kur rezultati ishte i fiksuar në shifrat 0﷓0, nuk është pritur mirë nga ambjenti bardhezi, që ka kritikuar mesfushorin çek për sjelljen e pahijshme në fushën e blertë. Pavel, pas një përplasje me Komoton, pa top, i është drejtuar mbrojtësit të “demave”, duke e tërhequr prej flokësh, përpara syve të gjyqtarit Ricoli, i cili i ka nxjerrë karton të kuq. Një mungesë që do të ndihet, sidomos për ndeshjen e radhës, me Fiorentinën. Një ditë pas episodit, kanë folur edhe lojtarët e “Zonjës”, me Mauro German Kamoranezin tepër të irrituar nga xhesti i çekut: “Mjaft më me të tilla veprime dhe episode idiote, të cilat na kushtëzojnë në ndeshjet vijuese. Ne, në të kundërt nga ekipet e tjera, kemi objektiva të rëndësishëm dhe duam të mbërrijmë të dytët në renditje. Nedved na duhej në takimin me Fiorentinën, sepse luan rolin e shkatërruesit në mesfushën tonë dhe grinta e tij në të tilla përballje është e rëndësishme”, tha italo﷓argjentinasi, një tip me temperament të lartë, por që ndoshta është bërë pishman që në të shkuarën ka vepruar keq në fushë: “Kam bërë edhe unë gabime, e pranoj, por ka ardhur momenti që të mos tregohemi të dobët në karakter dhe të na kapë nrvozimi”.

Ranieri nën akuzë, Lipi për stolin

Nuk është e nevojshme të jesh një gjeni në matematikë për të kuptuar se kriza e Juventusit pasqyrohet nga shifrat. Një pikë në tre ndeshjet e fundit në Serinë A është shumë pak për pretendimet e bardhezinjve. 24 orë pas humbjes me Fiorentinën nuk kanë munguar kritikat e ashpra ndaj skuadrës dhe trajnerit. Drejtuesit e klubit kanë zhvilluar një mbledhje të jashtëzakonshme për të përcaktuar masat që do të merren për të dalë nga kriza. Përfundimet e takimit do t‘i bëhen të ditura sot skuadrës. Në të gjithë këtë situatë, edhe tekniku Ranieri nuk është i sigurt, edhe pse të paktën për momentin nuk priten masa drastike (me fjalë të tjera ndryshim në stol). Përveç analizës së klubit, kanë filluar të lëvizin edhe tifozët, sipas të cilëve "Ranieri nuk është i përshtatshëm për piacën juventine" dhe "kërkohet rikthimi i Lipit". Interesimi për trajnerin kampion bote me Italinë nuk është asgjë e re, palët kanë respekt reciprok, por pengesë serioze mund të jetë Barcelona, që e cilëson si pasardhës të Rajkard.

07/03/2008
Juve konfirmon Ranierin: Qëndron edhe pa Champions

Administratori Blank ka pohuar vazhdimin e bashkëpunimit

Juventusi dhe trajneri Ranieri do të vazhdojnë "bashkëjetesën", pavarësisht mënyrës se si do të përfundojë ky sezon. Bardhezinjtë po kalojnë momentin e parë të vështirë të këtij edicioni (vetëm 1 pikë në tri ndeshjet e fundit) dhe pas humbjes me Fiorentinën e ardhmja e drejtuesit të stolit ishte vënë në dyshim. Gjithsesi, klubi vendosi të merrte një pozicion të qartë, duke e mbrojtur dhe duke i konfirmuar besimin edhe për vitin e ardhshëm. Administratori i deleguar, Blank, ka thënë: "Me trajnerin dhe me stafin e ri kemi një projekt afatgjatë. Do të vazhdojmë përpara, edhe nëse nuk e mbyllim kampionatin në vendin e katërt. Lipi? Nuk po shqyrtojmë asgjë, kemi besim te Ranieri". Fjalët e tij janë mbështetur edhe nga presidenti Xhovani Koboli Xhilji: "Nëse Blank ka thënë kështu, nuk mund të bëj tjetër veç të konfirmoj se ky është edhe mendimi im. Nuk mund të bësh një projekt pa koherencë dhe vazhdimësi, megjithatë jam i bindur se do të jemi mes katër skuadrave të para në kampionat"

08/03/2008
Trezegue: Nuk firmos për vendin e dytë

David Trezegue e njeh shumë mirë ambientin rreth Juventusit, mbi të gjitha kërkesat e tifozëve. "Kur luan në këtë klub nuk mund të kënaqesh me një nga katër vendet e para. Të paktën kështu funksionon për mua. E them këtë edhe për arsye personale: nuk jam më 24 vjeç, nuk kam kohë të pres, duke qenë optimist se do të fitoj përsëri. Jemi një skuadër e fortë dhe mund të luajmë në nivelet më të larta. Për fat të keq kemi treguar se na mungon diçka në krahasim me disa kundërshtarë, edhe pse jemi paraqitur shumë mirë. Megjithatë, nuk do të them asnjëherë se do të firmos për vendin e dytë". Me fjalë të tjera, sulmuesi bardhezi nuk ka dyshime: "Tifozët nuk dëshirojnë që të vazhdojnë të mendojnë se ku ishim një vit më parë. Tashmë jemi në Serinë A dhe ata duan që skuadra ta fitojë menjëherë titullin. Kjo kërkesë mund të duket edhe e papranueshme, por ky është realiteti i një klubi si ky i yni. Gjithmonë ka për të qenë kështu". Trezege ka edhe një tjetër objektiv në këtë sezon: në fund të kampionatit të jetë në krye të klasifikimit për golashënues në Serinë A.

Juventus,zonja e vjeter sivjet shpallet kampjon pa diskutim.

__________________
Sa mire me kene shqiptar.