Inter

Interi falenderon kapitenin e saj. Një gol i Havier Zanetit, vetëm dy minuta nga fundi i ndeshjes, mban “larg” Romën, e cila kishte kaluar në avantazh, në pjesën e parë, me atë të një aksioni model, të finalizuar me mjeshtërinë e Totit, në kuotën e 201 golave me verdhekuqtë. Kryeqytetasit nuk arrijnë të përfitojnë kundrejt zikaltërve, që nuk zhvillojnë një paraqitje të mirë, por që arrijnë t’i thonë “stop” djemve të Spaletit, të cilët nuk përfitojnë, edhe pse në inferioritet numerik, deri tre minuta nga fundi i ndeshjes, kur Mekses merr dy kartona të verdhë dhe si pasojë të kuqen. Në këtë mënyrë, ekipi i Mançinit ka shmangur humbjen e parë në kampionat, që do të kishte e rrezikshme për të hapur “lojën” për titull dhe një minikrizë, pas barazimit të arritur, javën e shkuar, ndaj Xhenoas dhe “disfatën” në Champions, me Liverpulin. Ndërsa Roma vazhdon të mbetet një “mace e zezë” për kampionët e Italisë, në “San Siro”, edhe pse presioni i Totit me shokë është bllokuar nga argjentinasi dhe distanca ka mbetur në 9 pikë mes vendit të parë dhe të dytë. Ka qenë një ndeshje e dyluftuar ajo mes verdhekuqve dhe zikaltërve, me romanistët që kanë kontrolluar lojën, deri në minutat e fundit, me Interin që ka goditur shtyllën në pjesën e parë me Krespon, ndërsa për verdhekuqtë ka qenë kapiteni ai që ka gjetur golin, pas një sërë tentativash, me një zbritje të shpejtë. Në pjesën e dytë, dominim absolut i miqve, që i janë afruar golit të dytë, dy herë me Akuilanin dhe njëherë me Vuçiniçin, por Hulio Sezar dhe mbrojtja zikaltër, e detyruar që të humbë edhe Maksuellin, për një dëmtim në kavilje, kanë ditur të ruajnë pësimin e golit të dytë, ndërs Mançini provon me të gjitha mënyra për të barazuar ndeshjen dhe hedh në fushë edhe Balotelin, duke luajtur me tre sulmues. Dhe, dy minuta nga fundi, vjen goli i mankthit, që shuan ëndrrën romane për të rihapur kampionatin. Diferenca nuk ndryshon. Interi mund të qëndrojë e qetë...

Në një intervistë të dhënë për të përditshmen spanjolle “AS”, mesfushori i Interit, Esteban Kambiaso, ka analiazuar situatën që po kalon klubi zikaltër, por jo vetëm. Argjentinasi, i cili më parë ka veshur edhe fanellën e Realit të Madridit, ka bërë komentin e tij në lidhje me futbollin e sotëm, të cilit sipas tij po i mungon shumë spektakli që duan tifozët në shkallët e stadiumit. Kambiaso, i cili është tifoz i Realit, ka thënë se skuadra madrilene do të arrijë të fitojë titulli kampion, edhe pse pranon forcën e Barcelonës.

A ka forca Interi për të përmbysur humbjen 2﷓0 përballë Liverpulit?

﷓ Jam i bindur që po, edhe pse duhet të pranojmë se humbja 2﷓0 është pak e vështirë për t’u kaluar. Nëse pësojmë një gol në fushën tonë, atëherë gjithçka bëhet e pamundur, kështu që duhet shumë kujdes.

﷓ Por, tashmë nuk është Liverpuli që fitoi Champions League.

﷓ Nuk besoj se është më i fortë se ajo skuadër që fitoi Champions apo finalistja e sezonit të kaluar. Nuk e di pse, por shoh se Liverpuli ndihet më mirë në Champions League se sa në kampionat.

Ndoshta dinë t’i vlerësojnë dhe t’i interpretojnë mirë ndeshjet e forta.

﷓ Në vitet e fundit, Interi nuk ka patur eksperiencë në Champions, e kundërta e Liverpulit. A është kjo një minus për ju?

﷓ Ka një sër faktorësh. Sigurisht që sukseset e njëpasnjëshme të bëjnë edhe më të sigurt. Eshtë si jeta, nëse përjeton shumë aventurë, atëherë di t’i përgjigjesh më mirë vështirësive. Edhe ne ndihemi shumë mirë në një ndër kampionatet më të fortë në botë.

﷓ Çfarë ka ndryshuar te ju, pasi jeni bërë shumë i vlerësuar tek Interi?

﷓ Nuk besoj se transformimet magjike. Kam mbetur ai që kam qenë te Reali, edhe pse një futbollist përmirësohet çdo ditë, ky është mentaliteti im.

﷓ A ishte e vështirë të mësoheshit me një futboll kaq taktik?

﷓ Futbolli është taktik në të gjitha vendet e botës, sidomos për mesfushorët. Interesi im për ndeshjet ka qenë i madh gjithmonë dhe në të gjitha takimet jam munduar të bëj më të mirën time.

﷓ Në këtë sezon me Interin, jeni shfaqur një lojtar i rrezukshëm përpara porte dhe jo pak herë keni arritur të shënoni?

﷓ Eshtë e vërtetë, por mund të them se ka qenë edhe pozicioni në të cilën unë jam ndodhur. Detyra ime e parë është të thyej aksionet e kundërshtarëve dhe më pas të mendoj për sulmin. Këtë sezon kam patur fatin të shënoj shumë, madje edhe gola të rëndësishëm, Për çdo futbollist është shumë e rëndësishme loja e saktë, por goli për një mesfushor, sidomos me tiparet e mia, është maksimumi.

﷓ Që kur ju jeni larguar nga Reali, ky klub nuk ka gjetur një mesfushorë me garanci

﷓ Mund të them se te Reali kam kluar shumë vite të bukura të karrierës time, por ajo po më thoni ju nuk është aspak e vërtetë. Te Reali kanë kaluar shumë lojtarë fantastik, edhe më të mirë se unë dhe që kanë arritur të fitojnë tituj të shumtë me fanellën e kësaj skuadre.

﷓ Duket qartë që ju jeni përshtatur shumë mirë me skuadrën zikaltër. Më flisni pak për Interin e këtij sezoni.

﷓ Jemi një skuadër kompakte dhe këtë e kemi treguar në çdo ndeshje të këij sezoni. Ndoshta edhe me Liverpulin e bëmë një gjë të tillë, por minutat e fundit ishin shumë fatale për ne. Megjithatë, mendoj se kemi një skuadër të mirë dhe me lojtarë cilësorë, të cilët mund të japin edhe më shumë. Nuk ka rëndësi se cili luan. Skuadra ka bazën e saj, idetë janë të qarta, kështu që i kemi të gjitha shanset për të triumfuar.

﷓ Interi po akuzohet për lojë të shëmtuar dhe për mungesë spektakli?

﷓ Jemi një skuadër kompakte e cila përfiton nga individualitetet e saj. Kjo është historia e futbollit italian, të jemi më konkretë dhe të luajmë në bllok. Por, nëse shohim shifrat, tregohet qartë se jemi skuadra me sulmin më të mirë në kampionat dhe skuadra që pësojmë më pak gola. Por, mund të them se në futbollin e sotëm ka shumë pak spektakël. Janë të pakta ato skuadra që krijojnë lojë të bukur dhe e vënë atë përpara rezultatit.

﷓ Të flasim pak për Primera Division. E keni ndjekur rivalitetin midis Barcelonës dhe Realit?

﷓ Sigurisht që po, edhe pse nuk kam patur shumë kohë. E kam ndjekur Realin në pak ndeshje, megjithatë mund të them se janë një skuadër shumë e fortë, ndoshta më solide se sezonin e kaluar. Jam i bindur që do ta kenë shumë të vështirë pasi Barcelona është një skuadër e madhe, me lojtarë shumë cilësorë dhe që luftojmë në të gjitha frontet këtë sezon. Sigurisht që dëshira ime është që të fitojë Reali, pasi i kam përjetuar emocionet e këtij klubi më parë.

﷓ Më flisni pak pr Argjentinën tuaj, e cila në vitet e fundit ka nxjerrë shumë talente?

﷓ Eshtë e vërtetë, jemi një nga vendet që kemi nxjerrë shumë lojtarë të rinj dhe cilësorë. Më duhet të përmend këtu Mesis dhe Aguero, të cilët konsiderohen si e ardhmja Argjentinës. Ndoshta asnjëherë më parë vendi ynë nuk ka patur kaq shumë futbollistë të talentuar. Mendoj se kombëtarja e Argjentinës i ka të gjitha mundësitë për të dhënë një imazh të mirë në Botërorin e 2010﷓s, aty ku janë dhe shpresat e gjithë popullit tonë për të fituar një kompeticion të tillë. Jam i bindur që ka ardhur momenti për t’i dhënë një gëzim të madh këtyre njerëzve, edhe pse jam i bindur se do të jetë shumë e vështirë.

﷓ Në fund dua të zbuloj diçka për të ardhmen tuaj. Do të qëndroni tek Interi apo keni ndërmend të largoheni?

﷓ Të them të drejtën, largimin nuk e kam menduar për asnjë moment. Kam një kontratë me këtë klub dhe ëndrra ime është të vazhdoj të luaj me fanellën Interit. Dua të bëj më të mirën time për këtë skuadër dhe të fitoj tituj që në karrierën time nuk kam mundur t’i fitoj.

Mesi, a ardhmja e Argjentinës

“Eshtë një lojtar shumë i ri, por ka një talent të rrallë. Shumë e krahasojnë me Maradonën, por edhe unë jam pjesë e këtyre personave. Eshtë vetëm 20 vjeç dhe me futbollin e tij ka arritur të habisë nj﷓_të të tërë. Leo është shumë i talentuar, di të manovrojë shumë mirë me topin dhe në dy sezonet e fundit është shndërruar në një futbollist shumë të rëndësishëm dhe të pazevëndësueshëm për Barcelonën. Ai do të jetë e ardhmja e Argjentinës dhe shpresojmë me të në skuadër të fitojmë një Botëror. Eshtë shpresa jonë dhe e gjithë vendit sepse të gjithë e dinë se Mesi mund të japë shumë se ç’ka dhënë deri tani”.

Reali, kënaqësi e pafundme

“Për mua kjo skuadër ka qenë një ëndërr, një aventurë më vete. Shkova te Reali në moshën 15﷓vjeçare, atëherë kur skuadra drejtohej nga Fabio Kapelo dhe ku në përbërje kishte lojtarë të mëdhenj si

Mijatoviç, Shuker, Sedorf, Panuçi. Endrra ime ishte që të luaja sa më gjat me këtë skuadër, por ashtu si erdhën situatat, e pata të pamundur të triumfoja në një klub të tillë. Sigurisht që në Madrid kam kaluar vite të bukura të karrierës time, edhe pse më mungonin shumë tituj e rëndësishëm”.

Duam Champions për 100﷓vjetorin

“Viti 2008 do të jetë shumë i rëndësishëm për klubin tonë, kështu që neve lojtarëve na duhet të bëjmë më të mirën tonë këtë sezon. Dëshirojmë të fitojmë sa më shumë tituj, edhe pse ëndrra jonë është Champions League. Duam ta fitojmë këtë kompeticion për 100﷓vjetorin e klubit. E dimë që do të jetë shumë e vështirë sepse më parë duhet të kalojmë Liverpulin. Klubi dhe tifozët presin një dhuratë të bukur dhe ne do të mundohemi ta bëjmë realitet ëndrrën e tyre. Kemi fituar dy herë radhazi titullin kampion, por shpresojmë që këtë herë të jetë Champions.

Pekerman, tekniku që më ka ndihmuar

“Me të kam patur shumë marrëdhënie shumë të mira. Falë tij kam mundur të arrijë deri këtu dhe të kem një karrierë kaq të pasur. Kur isha 14 vjeç, më mori për Botërorin U﷓17. Më pas, më grumbulloi për në Botërorin U﷓21, kur unë isha vetëm 15 vjeç. Për mua ka qenë shumë e rëndësishme një eksperiencë tillë, e cila më vlejti shumë në vitet e mëtejshme. Pekerman ka qenë një teknik i cili gjithmonë e ka pëlqyer punën time. Për çdo problem që kisha apo dyshim në vendimarrje, i kam telefonuar Hozesë, i cili më ka këshilluar, gjithmonë duke kërkuar më të mirën për mua”.

inter Champion

Morati: Humbje normale, por mos ekzagjeroni

Presidenti i Interit, Masimo Morati, është shfaqur mjaft i qetë pas humbjes së parë të skuadrës së tij në kampionat ndaj Napolit. Ai ka bërë të qartë se një rezultat i tillë ishte më se normal, por shqetësimi i tij i vetëm ishin dëmtimet e vazhdueshme të repartit mbrojtës. "Mua nuk më duket një tragjedi, ishte normale që herët a vonë do të vinte edhe një humbje. Kam parë të shkruhet nga të gjitha llojet e gjërave, por më shumë se i shqetësuar, ndjej keqardhje, për faktin se skuadra nuk luajti mirë, në kundërshtim me Napolin, që dha maksimumin. Ndoshta të gjithë po mendonin për Liverpulin. Dëmtimet po ndodhin të gjitha në të njëjtin sektor dhe kjo na vë në pozita ku duhet të jemi të kujdesshëm mbi formën e zëvendësuesve, të cilët kanë vështirësi të përshtaten me mekanizmat e lojës së ekipit. Do të flas me skuadrën, për të rigjetur qetësinë dhe marshin tonë, por besoj se lojtarët kanë mentalitetin e duhur për të fituar sfida të rëndësishme", tha presidenti i Interit.

Morati: Ju rrëfej 100 vitet e Interit tim

Presidenti flet për historinë e një shekulli jetë të klubit zikaltër

Masimo Morati rilexon një shekull jetë të Interit, përvjetor që klubi do ta festojë të dielën. Një histori që për padronin zikaltër (drejton skuadrën prej 13 vitesh, duke ndjekur gjurmët e të atit që ishte president nga viti 1955 deri më 1968) nuk është vetëm sportive, por edhe private, familjare. Kjo është arsyeja përse alfabeti i tij i 100-vjetorit përmban golat, fitoret dhe humbjet, por më shumë ndjenjat, emocionet dhe personat që kanë lënë gjurmë në skuadër.

ANXHELO MORATI - Vitet e presidencës së babait tim ishin spektakolare, absulotisht periudha më e mirë e Interit, me rezultate që vinin si rrjedhojë e një organizimi perfekt, inteligjencës dhe pasionit njerëzor.

BERLUSKONI - Një kundërshtar të cilin e kam gjetur dhe nuk e kam zgjedhur: shumë i fortë dhe aspak komod për potencialin që mund të shprehë, e për këtë arsye përballja me të nuk ka qenë gjithmonë e lehtë. Me Milanin kemi marrëdhënie bashkekzistence, mundohemi të gjejmë mënyrën që ato të jenë civile, sepse do të ishte shumë e lodhshme të ziheshim përditë.

KRIZA - Për të kuruar krizën në futbollin italian, së pari nevojiten stadiume të reja. Por, duke qenë se ky është një ilaç shumë i shtrenjtë, terapia nuk është aspak e lehtë.

DERBI - Më i rëndësishëm është derbi i Italisë. Juventusi është kundërshtari ynë kryesor. Milani mund të fitojë çfarë të dojë, megjithatë, edhe për ata sfida me Juventusin ka të njëjtën vlerë. Është çështje historie dhe traditash. E admiroj mënyrën sesi klubi dhe futbollistët u bënë përsëri konkurrentë të fortë pas periudhës së vështirë që kaluan.

GABIMET - Më ka mbetur peng ndërrimi i shpeshtë i trajnerëve, vendime që nuk i kanë dhënë vazhdimësi skuadrës në momentet kur kishte me të vërtetë nevojë.

FËMIJËT - Më kanë qëndruar pranë në këtë aventurë. Kur të kenë eksperiencë jam i bindur se do të bëjnë një punë më të mirë se unë, megjithatë, nuk u uroj të ulen në këtë post. Është një detyrë shumë e rëndë, ku duhet të jesh gjithmonë i përfshirë dhe kushton.

GOLAT - Zgjedh atë që Zhorkajef realizoi me roveshatë kundër Romës, i mahnitshëm. Më pas golin e Faketit në gjysmëfinalen e Kupës së Kampioneve përballë Liverpulit, që erdhi si rrjedhojë e lojës së mrekullueshme të skuadrës. Në fund Rumenigen, në Kupën UEFA kundër Rejnxhërsave, një roveshatë që nuk ishte normale (kjo rrjetë ishte anuluar nga gjyqtari).

HELENIO HERRERA - Një simbol, një profesionist i palodhur, që edhe pse nuk kishte në dispozicion mjetet e ditëve të sotme, i njihte të gjithë futbollistët nëpër botë. I veçantë, edhe sepse ndonjëherë e cilësonin antipatik. Sot askush nuk është si ai, disa sjellje të tilla i kam vënë re vetëm te Murinjo. Por, duke i lënë mënjanë emrat, marrëdhënia president-trajner duhet të ketë besim maksimal, pasi janë pikërisht ata të dy që rrezikojnë më shumë.

IBRAHIMOVIÇ - Më jep shumë kënaqësi, qoftë për mënyrën si luan ashtu edhe për sjelljen. Një profesionist i vërtetë. Ai ka edhe pak "çmenduri" që e bën publikun të ëndërrojë.

LIVERPULI - Mos më flisni për test maturie. Çdo vit na duhet të përballemi me këtë test të mallkuar... E kam të qartë se në Liverpul luajtëm një ndeshje jo fort të mirë, e cila na ka vendosur përpara një sfide shumë të vështirë. Liga e Kampioneve është e rëndësishme, por nëse eliminohemi dhe në fund të sezonit fitojmë kampionatin, kjo nuk do të thotë se sezoni duhet vlerësuar si negativ.

MOXHI - Nuk bëj komente, mjafton fakti që ai flet shumë. Periudha e Moxhit nxit brenda meje shumë zemërim dhe preferoj të hesht.

NJË EMËR - Për Interin e së ardhmes them Baloteli. Nuk ka "po sikur": është lojtar fizik, ka klas, karakter, gjithçka për t‘u bërë protagonist. Ndërkohë, lojtari që do t‘i shërbente më shumë skuadrës është Xherard. Është një lojtar shumë i mirë, ka vazhdimësi në paraqitjet e tij dhe është një lider i vërtetë. Megjithatë, nuk besoj se ekzistojnë shanse që ta blejmë.

MUNDËSITË - Erik Kantona ishte mundësia e parë që kam humbur. Pothuajse arrita ta blija, në atë kohë luante te Mançester Junajted, por u skualifikua për goditjen me shkelm ndaj një tifozi. Ai ndjeu detyrimin të qëndronte në Angli për të vuajtur pezullimin. Ishte fantastik. Me atë dhe me Ins do të kishim një skuadër shumë konkurruese, gjithmonë nëse do të na kishin lënë që të fitonim diçka.

PEPINO PRISKO - Zv/presidenti ynë historik është në zemrën e çdo tifozi të Interit edhe sepse ishte një person simpatik që e bënte të dashur edhe në sytë e kundërshtarëve. Është një nga ata njerëz, për të cilët ke nostalgji.

CILËSI - Çfarë duhet për të qenë president (përveç parave)? Shumë durim. Nuk ka dyshim se ky pozicion të shërben për të qenë i fortë në jetë, mëson të mos jesh shumë i sigurt te vetja, sepse je gjithmonë në diskutim. Nuk ka asnjë zanat tjetër në botë, që të jep mundësinë për të arritur objektivat dhe shumë më tepër.

RONALDO - Më vjen keq për dëmtimin e tij, ka qenë lojtari më i madh në periudhën pas Maradonës dhe këtë e kanë thënë të gjithë ata që kanë luajtur përkrah tij. Kemi biseduar kur luante te PSV Eindhoven, por e bleva nga Barcelona dhe kishte nga ata që e cilësuan këtë lëvizje si marrëzi. Nuk ishte kështu, pasi e shita dyfish. Nuk e imagjinoj më të lidhur me Interin si drejtues apo diçka tjetër, sepse bëri zgjedhje që e ndalojnë, si për shembull kalimi te Milani.

HUMBJA - Është diçka që futbolli të mëson ta pranosh, sepse të bën që të mos ndihesh i paprekshëm. Më e vështira? Ajo e 5 majit 2002, humbja me Lacion që na kushtoi titullin. Atë ndeshje e humbëm vetë, kjo nuk diskutohet. Kur flisja për kampionat të trukuar nuk i referohesha asaj dite: ndeshja ishte e rregullt, por jo të tjerat.

TIFOZËT - Disa prej tyre janë problematikë, jo vetëm për Interin, megjithatë, tifozët janë arsyeja përse dikush është president futbolli. E bën për të realizuar një ëndërr tënden dhe të të gjithë atyre që ndajnë një ndjenjë të fortë për klubin.

FORMACIONI IDEAL - E kam të vështirë të zgjedh vetëm 11, për këtë arsye po them edhe disa rezerva: Zenga (Zhulio Çesar); Zaneti, Piki, Materaci (Guarneri), Faketi; Ins (e kam dobësi), Macola, Korso, Suarez; Figo, Ibrahimoviç. Ronaldo? Jo, ka lëvizur në shumë skuadra.

FITORJA - Më e rëndësishmja është ajo e Vjenës në vitin 1964. Një triumf special, jo vetëm sepse ishte Kupa e Kampioneve, por sepse Interi i drejtuar nga babai im mundi atë që cilësohej si skuadra më e fortë në botë, Realin e Madridit. Zgjedhja kushtëzohet edhe nga fakti se pas asaj fitoreje skuadra fitoi simpati në Evropë.

ZANETI - Blerja ime e parë. Një atlet që nuk "shuhet", që nuk dorëzohet kurrë dhe që ka ditur të jetë i përulur, ashtu si ka qenë në fillim. Këto e bëjnë një shembull për të gjithë lojtarët, si duhet të jetë një kapiten i vërtetë.

Shpresojme mos dalim nga kampèionati si Milani. Por ne jemi te forte do i mundim edhe se kemi 2 gola -.

oj kuklla po edhe ti me interin qenke moj

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

mja zbardhe dhembet ti, se do luajme pa materazzin.

hhihihihih ne per vete jemi ne 1/8 e finales kurse juve duhet te jeni ne 3+ gola qe te fitoni edhe liverpooli mos shenoje se ndryshe shifemi ne itali

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

[quote=kuklla;21949]Shpresojme mos dalim nga kampèionati si Milani. Por ne jemi te forte do i mundim edhe se kemi 2 gola -.[/QU
interiste ti ,,,hallalll

Po jua them un haptazi ne sy, as mos enderroni per nje fitore te Interit, ngaqe e pat puna e tyre

__________________
Shqiperia veriore u be shtet i pavarur dhe sovran, por kjo s'do te thote se duhet ndalur ketu...apo?

08/03/2008
Ironia e Moratit: Ne, asnjëherë në Serinë B
Presidenti i Interit ka zbuluar se në vitet ‘60 zikaltrit ishin pranë blerjes së brazilianit Pele

Drejtuesit e Interit kanë organizuar një takim me tifozerinë për të nisur në këtë mënyrë festimet e 100-vjetorit të klubit zikaltër. Presidenti Morati ka dhënë sinjale të qarta, se skuadra do të synojë të vazhdojë me të njëjtin hap fitimtar si në dy vitet e fundit, ndërsa nuk ka kursyer as ironitë ndaj kundërshtarëve historikë, Milanit e Juventusit. Përballë tifozerisë së entuziazmuar, Morati ka treguar edhe arsyet pse Interi vazhdon të jetë skuadra më e nderuar e futbollit italian. "Në të gjithë botën Interi cilësohet si skuadra më prestigjioze e Milanos, jo vetëm për atë që ka fituar, por edhe për faktin se nuk ka pasur asnjëherë probleme me drejtësinë. Me vete kam pasur gjithmonë persona që kanë zgjedhur këtë mënyrë të vepruari, pa provuar asnjëherë të thyejnë rregullat, apo të fitojnë besimin e gjyqtarëve, duke menduar se po ndihmojnë klubin nëpërmjet një veprimi kaq të tmerrshëm. Turpi i gjendjes në një situatë ku duhet të mbrohesh ndaj akuzave të tilla është gjëja më antipatike në historinë e një klubi. Unë uroj që ne të mos na ndodhë asnjëherë një gjë e tillë, siç ka qenë deri tani. Siç dihet mirë, ne nuk na ka ndodhur asnjëherë që të përfundojmë në Serinë B", u shpreh ai, duke ironizuar rivalët e përhershëm të Juventusit. Më pas, ai i është kthyer historisë zikaltër, duke treguar se si shumë vite më parë, kjo skuadër ishte shumë pranë blerjes së brazilianit Pele. "Në fakt ne e blemë Pele, por më pas tifozët e Santos dogjën selinë e klubit dhe ne u detyruam të ndërpritnim marrëveshjen me klubin brazilian", zbuloi Morati. Duke iu kthyer të kaluarës "më të afërt", Morati ka treguar pengun e tij më të madh në merkaton e futbollistëve. "Gabimi më i madh? Pirlo. Ai ishte një lojtar që më pëlqente shumë. Por më pas gabuam me të duke e lënë të largohej te Milani", tregoi presidenti i zikaltërve.

Nëse zikaltrit në të gjithë botën kanë filluar festimet e 100-vjetorit, trajneri Mançini nuk po e përjeton në të njëjtën mënyrë. "Kemi ndeshjen me Rexhinën dhe duhet të jemi të përqendruar te kjo sfidë. Çfarë pres nga e ardhmja? Shpresoj që të qëndroj tek Interi, pasi do të thotë se kam arritur shumë suksese me këtë skuadër", ishte komenti i teknikut të zikaltërve.

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

or romanist ate ndeshjen e kalcetos se bem ne

po une dje luajta po ku te gjeja une ty.

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

po ktu te nykja.