KF Partizani

Themeluar: 1946

Pjesëmarrje në kampionate: 58 herë

Ndeshja e parë: 1947

Kampionate të fituar: 15

Kupa të fituara: 15

Superkupa të fituara: 2

Uniforma zyrtare: E kuqe





Trajner: Hasan Lika
Zëvendëstrajnerë: Dashamir Gëzdari
Sekretar klubi: Bujar Labinoti
President: Albert Xhani
Renditja, sezoni 2006-2007: Vendi i 4-t

Dhëmbi-Bakaj, Partizani triumfon falë kualiteteve

Skuadra e Rrapos vazhdon të zhgënjejë, vjen humbja e 14-të sezonale

Kualitetet i japin Partizanit fitoren 2-1 në Korçë, përballë Skënderbeut të vendit të fundit. Një sfidë që të paktën në letër mund të cilësohej si shëtitje për skuadrën e Hasan Likës, e cila kishte detyrimin të mbante hapin e Dinamos kryesuese. Megjithatë, skuadra tërësisht e ndryshuar e teknikut Renato Rrapo, premtonte surpriza dhe kjo ka ndodhur. Miqtë e kanë filluar ndeshjen menjëherë në sulm dhe pas 4 minutave, Elis Bakaj vë në provë portierin Llapanji, me një gjuajtje brenda zonës. Pak çaste më vonë është Hallaçi që provon, por devijimi i mesfushorit përplaset në shtyllë. Kur të gjithë mendonin se ishin të kuqtë ata që do të shënonin, ka ardhur edhe goditja e korçarëve. Në të 16-ën, vendasit kanë kaluar në avantazh, falë sulmuesit të ri, Ndriçim Shtupina, i afruar gjatë janarit nga Ada e Velipojës. Kundërsulm i shpejtë i bardhekuqve, që ka kapur të papërgatitur mbrojtësit kundërshtarë. Partizani fillon sulmin me forca të shumta, ndërkohë që korçarët mbyllen shumë shpejt në mbrojtje, duke provuar të mbrojnë rezultatin. Megjithatë, avantazhi ka zgjatur vetëm 10 minuta, periudhë kur motorët e lojtarëve decizivë të Hasan Likës janë ndezur. Paulin Dhëmbi ka bërë gjithçka i vetëm, e pas një depërtimi në zonën kundërshtare ka lëshuar një diagonale të saktë. Një rrjetë e rëndë kjo e mesfushorit, që shënon pikërisht kundër skuadrës ku është formuar si futbollist. 45 minutat e mbetura të takimit filluan të ndezura: të parët që kërkuan golin e dytë ishin korçarët, por pritjet e Shehit kanë qenë në lartësinë e duhur. Në minutën e 56-të është regjistruar edhe goli i dytë për të kuqtë, me autor Bakajn, që devijon saktësisht harkimin e Hallaçit. Në minutat e fundit Abilaliaj e Bakaj mund të kishin rritur shifrat për Partizanin, por fillimisht portieri Llapanji e më pas shtylla u kanë prishur festën. Të shtunën Skënderbeu ka treguar shenja të ringjalljes, por gjithsesi shifrat në klasifikim janë kundër skuadrës së Rrapos, që pëson humbjen e 14-të.

Partizani/ “Do i thonim lamtumirë titullit nëse nuk do të fitonim në Korçë”
4 Shkurt Elis Bakaj, “njeriu” që i dha fitoren të kuqve, ndaj Skënderbeut, i bindur se, pas këtij suksesi, “demat” janë ende në lojë për kampionat

Fitorja e së shtunës, në Korçë, ndaj Skënderbeut, ka kënaqur pa masë Partizanin. I pari që e ka deklaruar publikisht këtë ka qenë vetë trajneri i klubit, Hasan Lika, i cili, në deklaratën e tij, pas ndeshjes, ka thënë: “Më pëlqeu shpirti i garës që treguan djemtë dhe pavaësisht se u ndëshkuam në fillim, arritëm të kthenim rezultatin e lojës, madje mund të shënonim edhe me tepër”. Vetëkënaqësi e Likës? “Jo, ne me të vërtetë mund të shënonim edhe më shumë gola, edhe pse fitorja ishte më e rëndësishmja”, janë fjalët e sulmuesit Elis Bakaj, i cili ishte edhe njeriu që i dha trepikëshin të kuqve. “Të them të drejtën, në fillim na u duk e lehtë, parë faktin që skuadra korçare kishte probleme me formimin e skuadrës deri pak orë përpara ndeshjes. Por, kur pësuam golin e parë, atëherë u kujtuam që duhet të luanim fort. Nuk e prisnim dhe, si çdo skuadër e madhe që shkon për të fituar, prisnim të shënonim golin e trepikëshit dhe të iknim të qetë në punën tonë. Por, kur u gjendëm poshtë një goli, atëherë duhej një impenjim më i madh, sepse, që të fitonim duhet të shënonim minimalisht dy gola”, rrëfen Bakaj.

Momenti i golit

Goli i Dhëmbit, sipas Bakajt, ka kthyer qetësinë në kampin e Partizanit, që deri në atë kohë, po bënte maksimumin për të gjetur rrugën e rrjetës, teksa më pas, i dyti erdhi si me “porosi”. “Në momentin që shënoi Dhëmbi, ne u qetësuam dhe menduam se do ta gjenim golin e dytë. Përfundoi pjesa e parë dhe momenti më i mirë për t’i goditur korçarët ishte fillimi i pjesës së dytë, ku ata nuk e prisnin. E bëmë këtë dhe fatmirësisht arrita të shënoja, pas një topi perfekt të Abilaliajt. Në atë moment mendova: Fituam, shpëtuam”. Me këtë gol Bakaj shkon në kuotën e 7 golave, aq sa edhe Muzaka dhe të dy tani janë golashënuesit më të mirë të “demave”.

Po sikur...

Fituesi asnjëherë nuk gjykohet dhe ky është një rregull në futboll. Por, po sikur Partizani nuk do të kishte fituar në këtë takim, atëherë çfarë do të ndodhte? “Nëse nuk do të fitonim? Do ishim 9 pikë larg Dinamos së vendit të parë dhe me shumë mundësi, objektivi për titullin kampion, do të zbehej, për të mos thënë, që do të shuhej”. Tani Besa? “Do luajmë në shtëpi, por një gjë është e sigurtë. S’duhet të shënojnë të parët”, ka përfunduar Bakaj.

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

Mbrojtësi korçar i “demave”, i kënaqur nga

trepikëshi e optimist për skuadrën: “6 pikë nuk janë shumë; deri në fund ka “luftë” të vërtetë për kreun”



Fitorja e së shtunës, në Korçë, i ka kënaqur të gjithë në kampin e kuq. Më shumë kjo ndihet tek lojtarët korçarë, të cilët, edhe pse e pohojnë se nuk u vjen mirë ta shikojnë Skënderbeun në ato kushte, përsëri i gëzon trepikëshi i marrë në qytetin e tyre. “Jo, pa shaka, ne arritëm të merrnim një fitore shumë të rëndësishme në një transfertë si ajo e Korçës”, të thotë mbrojtësi korçar, Tefik Osmani. “Të them të drejtën, kemi vuajtur në atë ndeshje, sidomos në minutat e para, sepse nuk po ambientoheshim dot, por edhe sepse kishim thuajse një muaj që nuk po luanim një ndeshje të vërtetë kampionati. Skënderbeu na vuri në vështirësi në fillim, madje edhe shënoi. Por, më pas, ne arritëm ta merrnim veten dhe barazuam, e më pas fituam”. Po nëse nuk do të ishin marrë 3 pikët? “Atëherë do të ishim pak në telashe (qesh). Sigurisht që do kishte problem, pasi tani do të ishim 9 pikë larg Dinamos, e jo më 6”, ka shtuar Osmani.

Kreu nuk është me “tapi”

Ndodhen 6 pikë larg vendit të parë, të cilin duket se Dinamo nuk ka ndërmend që ta lëshojë. Megjithatë, sipas Osmanit, kjo nuk është vetëm në dorën e bluve, por të të gjitha skuadrave të tjera. Dinamo po zhvillon një kampionat shumë të fortë dhe këtë ai e pranon. Por, kampionati është i gjatë dhe për Osmanin, do të ketë rivalitet dhe “luftë” deri në fund të tij. “Unë e pranoj se Dinamo po ecën mirë dhe nuk po lëshon “pe”. Por edhe ne do të vazhdojmë ta bëjmë një gjë të tillë dhe do t’i rrimë nga pas deri kur të vijë momenti për ta arritur, e më pas kaluar”. Po kur do të ndodhë kjo? “6 pikë janë dy ndeshje të humbura për ata e dy të fituara për ne. Mendoj s gjithçka mund të ndryshojë në këto dy ndeshje të radhës. Në fund të fundit, kreu nuk është me tapi, apo jo? Unë di që do të jetë “luftë” deri në fund për titullin”.

“Sytë” te Besa, “veshët” teblutë

Të shtunën Partizanin e pret një tjetër ndeshje e rëndësishme, pikërsht ajo ndaj Besës. Kavajasit kanë qenë ata që u kanë shkaktuar “demave” humbjen e parë në kampionat dhe një gjë e tillë ka sjellë edhe rënien e skuadrës së Likës, që në atë moment ishte e para, me pikë të barabarta me skuadrën kavajase. “Do të jetë e vështirë. Por, nuk mendoj se ajo do të fitojë dy herë ndaj nesh”, ka thënë Osmani. “Ne do të bëjmë maksimumin për të fituar, sepse kjo është mënyra e vetme për të arritur kreun”. Po Dinamo? “Një “vesh” i yni do të jetë edhe te sfida Dinamo – Elbasani”, ka përfunduar Osmani.

Lika, sërish me gjykimn: “E kanë kapur keq me ne”

Humbja në Korçë, duket se e ka “shokuar” disi, megjithatë, ai përsëri nuk e jep veten. Trajneri i Partizanit, Hasan Lika, është nga ata, që nuk para e tregon lehtë se çfarë ndien, aq më tepër publikisht. Megjithatë, një problem e ka. “Na anulluan sërish një gol edhe në Korçë, sa për ta ditur”, të thotë ai pas ndeshjes dhe e merr si me shaka. “Duket se tani të gjithë e kanë me ne”. Megjithatë, për një moment kujtohet dhe kalon tek sfida me Elbasanin. Nuk i trëmbet kundështarit, pasi, edhe pse nuk e thotë, më shumë i trëmbet skuadrës së tij. Por, si një njeri që nuk e pranon këtë, ai nuk flet fare. Po sikur gjykimi të kondicionojë edhe këtë ndeshje? “Unë nuk kam frikë, por ju që pyesni, duket se jeni të bindur se Partizanit, do t’I bëhet padrejtësi”.





﷓ Një humbje minimale, 0﷓1, në kupë ndaj Skënderbeut. Mos ndoshta lojtarët e kanë patur më shumë se ç’duhet mendjen tek ndeshja e së shtunës, me Elbasanin?

﷓ Jo, nuk mendoj kështu. Skuadra zhvilloi një ndeshje shumë të mirë dhe ajo që na mungoi ishte goli. Mund të them se ishte njësoj si në ndeshjen e kampionatit. Ata na shënuan një gol aksidenta dhe gjatë gjithë kohës ne kemi sulmuar dhe kemi tentuar që të shënojnë, të barazojmë dhe në fund të fitojmë. Por, këtë herë, ndryshe nga ndeshja e kampionatit, ne nuk arritëm ta bënim një gjë të tillë. Madje, e bëmë, por anësori na anulloi një gol mëse të rregullt.

﷓ Më konkretisht

﷓ Shënuam dhe barazuam rezultatin, por pavarësisht se gjyqtari kryesor akordoi gol, anësori mbante flamurin ngritur dhe unë nuk e mora vesh se për çfarë. Nuk e di se çfarë kanë me ne, por duket se e kanë kapur shumë keq.

﷓ Barazimi me Besën dhe humbja e sotme (djeshme) sa kanë ndikuar në gjendjen psikologjike të skuadrës, por edhe të trajnerit?

﷓ Aspak. Të jeni të sigurtë se nuk kanë ndikuar aspak.

﷓ Si e shikoni ju personalisht ndeshjen e së shtunës me Elbasanin?

﷓ Një sfidë shumë të vështirë, përballë një skuadre, e cila na ka vënë në vështirësi serioze në fazën e parë. Dhe ju e dini shumë mirë një gjë të tillë.

﷓ C’duhet të ndryshojë, nëse duhet, Partizani, që të arrijë një rezultat pozitiv në këtë përballje?

﷓ Duhet të japë më shumë sesa ka dhënë në këto ndeshje, si ndaj Besës, ashtu edhe ndaj Skënderbeut. Pra, mendoj se po të japim maksimumin, ndoshta edhe pak më shumë, atëherë përse të mos arrijmë një rezultat pozitiv?

﷓ Ju gjithmonë keni thënë se problemet e skuadrës janë në sulm, atje ku duhet shkuar tek goli, por me dy ndeshjet e kaluara, duket se është mbrojtja ajo që po shfaq problemet kryesore. Nga 3﷓1, në 3﷓3 (me Besën) dhe 0﷓1 (me Skënderbeun)

﷓ Ne luajmë si një skuadër dhe problemet, nëse i kemi, i kemi të gjithë, ashtu sikurse, kur fitojmë, fitojmë të gjithë. Nëse ka problem një repart, ka e gjithë skuadra.

﷓ Duke u kthyer tek Elbasani; Një fitore e juaja atje dhe një ndalje e Dinamos, do të thoshte afrim me kreun, ndërsa e kundërta, do të thoshte “hendek”, ndoshta edhe me 9 pikë diferencë. Nëse ndodh e dyta, do të vazhdoni të besoni në arritjen e objektivit titull?

﷓ Ne do të shikojmë ndeshjen tonë dhe unë asnjëherë nuk nisem me llogari të tilla. Kampionati është i gjatë dhe unë nuk mund të mendoj se si do të sillem, nëse do të fitoj, apo do të humbas, përpara se të luhet ndeshja. Unë shkoj për të fituar dhe kaq.

﷓ Realisht, ia keni frikën gjykimit, në Elbasan?

﷓ Unë nuk kam përse t’ia kem frikën, por ju që po pyesni, duket se keni frikë për vete, se mos Partizanit i bëhet ndonjë padrejtësi. Kjo është përgjigja ime.

Kthehet Malindi!
Ka ndodhur mbrëmjen e së hënës, duke u gdhirë e martë. Sulmuesi i Partizanit, Enco Malindi, pas 40 ditësh provë me ekipin bullgar të Sllavia Pragës, është kthyer në Shqipëri. Peripecitë e hequra, me linjën “Turkish Airlines”, për shkak të borës së madhe që kish pushtuar Stambollin (paë faktin se ai ka qenë në Turqi, në fazë përgatitore me skuadrën bullgare), kanë bërë që dje ai të mos ketë mundësi të kryejë stërvitje dhe ta kalojë pjesën e parë të ditës në gjumë. “Më kish përfunduar afati i vizës dhe për këtë arsye erdha, sepse unë nuk kisha ndërmend të vija fare”, kanë qenë fjalët e para të Malindit, i cili, edhe pse pak me vonesë, i është bashkuar skuadrës, si spektator, në stërvitjen e djeshme, që ajo ka zhvilluar në Kamëz. Pasi është takuar me trajnerin Lika dhe me shokët e skuadrës, ai ka parë stërvitjen dhe ka qëndruar atje deri në fund të saj.



Xhani﷓Vata, takim për lojtarin

Me të ardhur në Shqipëri, Malindi e ka parë të arsyeshme t’I dërgonte një sms presidentit të Partizanit, Albert Xhani, i cili, gjatë javëve të kaluara, ka bërë çmos që ta risillte lojtarin tek Partizani. “Si shkojnë punët me Xhanin? i kam dërguar një sms, në momentin kur erdha, por s’më ka kthyer përgjigje. A do ta takoj, apo jo? Nëse do të më thërrasë, atëherë sigurisht që do ta takoj. Pastaj, do ta takoj patjetër, pasi do të bisedojmë në tavolinë, për kartonin tim”, ka shtuar ai. Sot pritej që të vinte edhe menaxheri i tij, Rudi Vata, por, siç duket një gjë e tillë nuk do të ndodhë, sipas Malindit, për arsye personale. Kështu, Vata pritet të vijë në ditët në vijim, për të folur me presidentin Xhani, për ofertën e fundit, që Sllavia i bën Partizanit për kartonin e lojtarit.





C’do të bëjë Malindi?

Ajo që i tundon të gjithë në një moment të tillë, është pikërisht e ardhmja e lojtarit. Cfarë do t` bëjë, ose pitet të bëjë Malindi? “Dëshira ime, siç e kam thënë është që të qëndroj tek skuadra e Sllavias”. Përse? “Ata më duan dhe më sigurojnë formacionin, plus që unë e kam thënë se kjo është një ngjitje në karrierën time dhe unë nuk dua ta humb. Kjo, pasi nesër mund të kaloj në ndonjë tjetër klub më të mirë. Kjo është dëshira e çdo futbollisti, apo jo?”, ka shtuar ai. Po nëse nuk do të mund të marrë letrat, atëherë çfarë do të bëjë? “Atëherë do të detyrohem të qëndroj tek Partizani, e ç’të bëj më shumë se kaq. Unë shpresoj që presidenti Xhani të tregohet njeri i arsyeshëm dhe të më lerë të shkoj”.



Gati për derbin

Sot Malindi do të zhvillojë stërvitje së bashku me pjesën tjetër të skuadrës dhe, sipas vetë Encos, pas bisedës me Likën, ai pritet që të jetë pjesë e skuadrës, për derbin e së shtunës, ndaj Dinamos. “Po, besoj se do të jem. Në fund të fundit, unë jam i federuar me skuadrën e Partizanit dhe mund të luaj. Nësë gjithçka shkon mirë, atëherë luaj të shtunën dhe të dielën largohem, në të kundërt, siç e thashë, atëherë do të qëndroj këtu”,ka përfunduar Malindi. Ndërkohë, nga sa mësohet, duket se ndoshta Malindi do të jetë titullar në derbin e së shtunës, ndaj Dinamos. Momenti “jo” i Abilaliajt, parë edhe faktin se Lika nuk e ka aktivizuar atë në ndeshjen ndaj Elbasanit, si titullar tregon se Malindi është shpresa e vetme në vijën e parë, bashkë me Bakajn.

Nuk ka qenë e thënë që sulmuesi i Partizanit, Enco Malindi, të udhëtonte në drejtim të Bullgarisë, për t’iu bashkuar skuadrës së Sllavias së Sofjes. Kështu, takimi i djeshëm ndërmjet presidentit të Partizanit, Albert Xhani dhe homologut të tij të Sllavias, nuk ka përfunduar në një marëveshje. “Nuk gjetëm dot gjuhën e përbashkët. Ata vazhdonin të ishin larg kërkesës time. Edhe pse më njoftuan se do të bëjnë të pamundurën për të rënë dakord, nuk lëvizën aspak nga oferta e tyre e parë, e papranueshme për mua dhe klubin tim”, ka thënë Xhani, pas takimit të realizuar dje në Selanik. Kështu, përfundimisht Malindi do të qëndrojë tek Partizani.