Sport Klub "Tirana"

King_Arthur · #1 01-02-08, 05:58 AM

Themeluar: 1920

Pjesëmarrje në kampionate: 68 herë

Ndeshja e parë: 1930

Kampionate të fituar: 22(1930, 1931, 1932, 1934, 1936, 1937, 1964-65, 1965-66, 1967-68, 1969-70, 1981-82, 1984-85, 1987-88, 1988-89, 1994-95, 1995-96, 1996-97, 1998-99, 1999-00, 2002-03, 2003-04, 2004-05, 2006-2007

Kupa të fituara: 13 (1939, 1963, 1976, 1977, 1983, 1984, 1986, 1994, 1996, 1999, 2001, 2002, 2006)

Superkupa të fituara: 7

Tris ne kampionate:.

* Kater herë më

* 1930, 1931, 1932.

* 1934, 1936, 1937.

* 1995, 1996, 1997.

* 2003, 2004, 2005.

Bis Brenda nje sezoni kampionat dhe kupe:

*

3 here më 1995, 1996 dhe 1999

Uniforma zyrtare: Vija bardhë e blu

*LIBRI I ARTE I K.F. TIRANA

-Riza LUSHTA

-Naim KRYEZIU

-Aristidh PARAPANI

-Fatmir FRASHERI

-Ali MEMA

-Arben MINGA

-Agustin KOLA

-Skënder HALILI

-Pal MIRASHI

-Shkëlqim MUÇA

-Mirel JOSA

-Vasif BIÇAKU

STAFI TEKNIK

Trajner: Astrit Hafizi
Zëvendëstrajnerë: Ardian, MemaAlban Tafaj, Astrit Nallbani
Sekretar klubi: Shkëlqim Muça
President: Bamir Topi

King_Arthur · #2 03-02-08, 05:31 AM

Tirana, përsëri barazim me Elbasanin

Bardheblutë ndalen 2-2 në kryeqytet nga "macja e zezë" e sezoneve të fundit

Tirana duket se nuk arrin të kalojë dot Elbasanin, që është kthyer në "macen e zezë" të bardhebluve gjatë sezoneve të fundit. Skuadra e drejtuar nga Astrit Hafizi është ndalur në një barazim 2-2 në "Qemal Stafa", falë një paraqitjeje të mirë të skuadrës elbasanase, që është munduar të bllokojë pikat e rrezikshme të sulmit bardheblu, ndërsa ka goditur në kundërsulm. Për të zgjidhur situatat e komplikuara, për Tiranën ka menduar Klodian Duro, i cili me një 11-metërsh dhe një goditje dënimi, ka mundur të rikuperojë gabimet e shokëve të skuadrës që kanë parë dy herë radhazi Elbasanin të kalonte në avantazh.

Në takimin e djeshëm, Hafizi i ka besuar një vend në formacion disa prej blerjeve të reja të skuadrës bardheblu gjatë merkatos së janarit, si Kçira dhe Mohelebi. Por mungesa e sulmuesve e ka detyruar trajnerin e Tiranës të propozojë një tredhëmbësh të çuditshëm, ku Hyka dhe Duro mbështetin Xhafajn e avancuar në qendër. Kjo skemë duket sikur funksionon, pasi brenda pak minutash, Xhafaj arrin të shfaqet dy herë para portës së Elbasanit, duke vënë në vështirësi portierin Toçi, zëvendësuesin e Ilion Likës së larguar drejt Rusisë. Por në rastin e parë që shfaqet, Elbasani arrin të shënojë golin e barazimit në minutën e 15-të. Ahmataj ekzekuton një goditje dënimi nga distanca, ndërsa Karçev kërcen para Nallbanit, i cili gabon në dalje dhe vetëm sheh topin që përfundon në rrjetë. Avantazhi çorganizon Tiranën që duket pa ide në fushën e lojës dhe elbasanasit e kanë të lehtë të ruajnë avantazhin në pjesën e parë të ndeshjes, ku nuk shënohen raste të tjera të rrezikshme.

Hafizi provon të ndryshojë diçka në pjesën e dytë, duke larguar handarin për të aktivizuar Fortuzin, në skemën 3-5-2. Manovra rezulton e suksesshme, pasi mjafton një kombinim Fortuzi-Xhafaj, që ky i fundit të fitojë një 11-metërsh. Duro tregohet i saktë nga pika e bardhë, duke vendosur barazimin e përkohshëm 1-1, ndërsa Tirana transformohet menjëherë në një skuadër agresive. Por është përsëri Elbasani që godet me rastin e parë që shfaqet. Në minutën e 64-t, Bejzade shfrytëzon një harkim nga krahu i djathtë për të dërguar topin në rrjetë me një goditje spektakolare, duke ndezur përsëri entuziazmin e 700 tifozëve të ardhur nga Elbasani për këtë takim. Tirana detyrohet të fillojë gjithçka nga fillimi, por tashmë beson se mund të shënojë përsëri. Fortuzi, Duro dhe Xhafaj shfaqen disa herë para portës së Toçit, por pa arritur të kalojnë debutuesin e Elbasanit. Për të zgjidhur përsëri situatën mendon Duro, i cili me një goditje dënimi të devijuar nga muri mbrojtës, arrin të vendosë përsëri baraspeshën në shifra. Hafizi hedh në fushën e lojës edhe Hysenin, për të provuar shanset e fundit për fitore. Por pavarësisht rasteve të krijuara nga Xhafaj, Fortuzi dhe Hyseni, porta e Elbasanit mbetet e paprekur deri në vërshëllimën përfundimtare të Velçanit. Barazimi 2-2 duket se i shkon më shumë për shtat Elbasanit, që ka ruajtur vendin e tretë në renditje, ndërsa pret hapin e gabuar të kryesuesve për të synuar ngjitjen më lart në tabelën e klasifikimit.

King_Arthur · #3 05-02-08, 06:57 AM

Sulejman Mema, “morri i kuq” kthehet te Tirana
Sulejman Mema është trajneri i tretë zyrtar i Tiranës. “Pokeri” i donatorëve bardheblu: Refik Halili, Shefikat Ngjela, Agron Papuli dhe Avni Nuri, vendosën shkarkimin e teknikut Astrit Hafizi. Shkodrani, i cili i morri në dorëzim kampionët në fuqi në javën e 5-të, u shkarkua pas barazimit me Elbasanin (2-2) në javën e 18-të. Një ndikim të madh në largimin e Hafizit pati dhe humbja me Vllazninë (4-1) para pauzës dimërore.

Tirana ndodhet në vendin e katërt, por me një diferencë të qartë pikësh me Dinamon kryesuese (11 pikë më pak se blutë) dhe Partizanin e vendit të dytë (5).

Mema, dy herë kampion si me Tiranën si lojtar (në sezonet 1981-1982, 1984-1985) dhe si trajner (në sezonet dhe 1995-1996 dhe 1998-1999), ka drejtuar më parë dhe Partizanin, duke fituar një Kupë të Shqipërisë dhe një Superkupë po me Partizanin. Për herë të fundit Sulejman Mema i drejtoi 23-herë kampionët në sezonin 2003-2004 (atëherë më 20 tituj kampionë), ku u detyrua të jepte dorëheqjen pas disa rezultateve negative (katër ndeshje pa fituar) duke u zëvendësuar nga Mirel Josa, që në përfundim e nxorri kampion Tiranën.

Pak ditë më parë, Sulejman Mema dha dorëheqjen nga detyra e shefit të gjyqtarëve në Federatën Shqiptare të Futbollit. Sulejman Mema ka drejtuar më parë edhe përfaqësuesen shqiptare U-21.

Duhet përmendur një fakt, se kur Mema drejtonte Partizanin (dy herë gjatë disa javëve të sezoneve 2004-2005 dhe 2005-2006), ultrasit bardheblu nuk e kursyen nga fyerjet e përhershme trajnerin, madje duke prodhuar edhe një banderolë mitike: “Mema, morri i kuq”.

I njohur për Sulejman Memën është edhe incidenti në Burrel ku një punonjës i klubit matjan rrezikoi seriozisht jetën e shefit të gjyqtarëve duke ushtruar dhunë të tejskajshme.

King_Arthur · #4 05-02-08, 07:00 AM

Hafizi: “Gabuam në momentet më kritike”
"Kishim mundësi të shënonim edhe më shpejt që dhe skuadra nga ana psikologjike të ishte më mirë”. Trajneri i Tiranës, Astrit Hafizi i di gabimet e skuadrës së tij në barazimit 2-2 me Elbasanin në kryeqytet. “Gabuam në dy momente në mbrojtje dhe na kushtuan shumë. Duke pasur parasysh gjithë atë volum loje unë them se punuam me tepër se kundërshtari dhe ishim më përpara portës se kundërshtari. Elbasani u tregua më racional dhe në dy-tre raste që krijoi arriti të shënonte dy gola. Për ne u vështirësua shumë puna. Këtu ndikoi edhe ngarkesa psikologjike pasi prej skuadrës sonë pritej shumë. Lojtarët e rinj? Mohelebi kishte më tepër punë dhe ra më shumë në kontakt me topin, por edhe gaboi në disa raste. Kcira kishte më pak punë. Nuk mund t’i vlerësoj të gjithë njësoj, por mendoj se dhe ata ishin pjesë e skuadrës”.

King_Arthur · #5 06-02-08, 06:22 AM

l
“Unë, këtu për një revolucion”
“Në çfare vendi është Tirana?”. Sulejman Mema duhet të ketë parë shumë futboll të huaj në Tv gjatë kohës që ka qëndruar jashtë fushave të blerta, pasi përpiqet me të gjithë mënyrat të fitojë zemrat e reporterëve që bëheshin sa tre skuadra futbolli për të ndjekur nga afër prezantimin e tij. Brenda përgjigjes ka një naivitet nënqeshës dhe një sens evropian për mënyrën se si duhet bërë një konferencë. “Sa shumë qënkeni, kaq i rëndësishëm jam”.Askush nuk i përgjigjet me të njëjtën monedhë. Pyetja është direkte. “A do të keni edhe ju fatin e paraardhësve dhe pse nuk besoni se nuk do e keni”. Përgjigja është e njëjta me prezantimin. Të paktën i njëjti stil. “Sepse ndoshta jam tirons”. Shumë pak. Dikush duhet t’i kujtojë Memës që kështu ishte edhe bie fjala Alimehmeti. Më pas vijon të bëjë “tipin”.”Në këto vite se kam ndjekur Tiranën në stadium, por vetëm në TV dhe këtë kompleks se kisha parë. Qenka bërë një punë e mirë”.

Gazetarët fillojnë të nervozohen. Nuk duan këtë nga Mema. “E di që doni të dini se çdo bëj me këtë skuadër. Kam vendosur disa piketa në kokën time dhe them të bëj një revolucion”. Kështu po Mema, këtë duan njerëzit. Kë do hiqni? ”Prisni t’i shoh një herë në stërvitje sepse ka ende kohë. Mund të më duhet shumë kohë”. Askush se kupton se ku do të dalë, por Mema nxiton ta thotë vetë. “Ndoshta do të qëndroj edhe vitin e ardhshëm për ta çuar reolucionin tim deri në fund. Kam nj projekt në kokë”. Projekte të tilla kanë pasur të gjithë, e rëndësishme është të kuptohet çfarë projekti kanë donatorët në kokë

Mema e bën naivin deri në fund. Një zot e di nëse vërtet beson te titulli, por ai kërkon ta prekë pak. “Dinamo vërtet është larg por ne mund të besojmë. Di që jemi 11 pikë, por mesa di unë sjemi të dytët, kështu që të kalojmë një herë skuadrat që kemi përpara”. Mirë diplomacia duhet.

Mema është një nga ata që ambjentin e njeh mirë, pavarësisht se vitet e fundit ka qenë një ish i kuq. “E po duhet të rifitoj edhe zemrat e tifozërisë”. Dikush i kujton që e kanë quajtur “morr i kuq” dhe shtrembërohet në fytyrë. ”Unë jam i bindur që di të fitoj”. Me një lojë sulmuese? Më së fundi flet teknikisht. “Thonë që Tirana ka probleme në mbrojtje, por unë interesohem vetëm për sulmin”. Me siguri kjo deklaratë ka qenë një nga strategjitë për të fituar tifozërinë.

Në fund është gjykimi. Ai e mban mend ndeshjen e fundit kur u largua nga Tirana. Ishte Tirana﷓Teuta, 1﷓3, në vitin 2003 dhe për pak nuk i ndezi një cigare në ballë gjyqtarit nga mëria. Tani kohërat kanë ndryshuar. Ish shefi i gjqytarëve i konsideron gjqytarët ”njerëz që gabojnë”: “Nuk do kontestoj asnjë, nuk më ka hije”. Po ndonjë dhuratë a e pret? ”Edija që do më pyesnit për këtë. Jo, nuk pres. A se harrova, ndoshta kam bërë gabim që gjithë këto kohë kam qëndruar në pozicionin e administratorit. Tutat janë pasioni im”. Kështu, po, rrugë për të fituar tifozët. Megjithatë Mema duhet të shqetësohet më shumë se si do të fitojë lojtarët dhe donatorët. Gojët e liga thonë që gjithnjë ka pasur probleme komunikimi me futbollistët më të mirë të skuadrës, ndërkohë që donatorëtata janë gjithnjë të paparashikueshëm.

King_Arthur · #6 06-02-08, 06:23 AM

Donatorët prishin paktin me Hafizin, ja detajet..
5 Shkurt Astrit Hafizit, me siguri i kujtohet mirë dita e parë kur një nga donatorët e Tiranës e ka telefonuar dhe i ka ofruar “punë”. Fillimisht ka thënë “do mendohem”:. E si mos mendohesh, kjo Tiranë të “pret gjithnjë kokën”. Sepse Hafizi më shumë se paratë ka problem edhe imazhin. Duhet të ishte një arsye që nuk drejtonte asnjë skuadër për gati 5 vite. “Imazhin mos e ki problem, çfarë do që të ndodhë do qëndrosh deri në maj”. Hafizi ka nënqeshur, sepse e ka ditur që kjo çfarë do që të ndodhë, mund të përkthehet në shumë drejtime. Megjithatë ka thënë po, dhe ka filluar të punojë në stilin e tij. Deri përpara ndeshjes me Elbasanin kishte kaluar dy momente të vështira, një në Kavajë, në humbjen 3﷓1 dhe një në Shkodër, në humbjen 4﷓1. Në asnjë rast nuk u bë skandal nga drejtuesit. Përkundrazi, ndokush mendonte që ajo e Shkodrës të paktën duhet të kishte kaluar më nxehtë për stilin e Tiranës. E, megjithatë ata, donatorët, të etur për mbledhje e marrje masash nuk bënë asgjë. Nuk vonuan ama, të dilnin në origjinë. Ka mjaftuar vetëm një barazim, që “çfarë që të ndodhë” të harrohej. Dhe Hafizi, të ishte një fotokopje, e Starovës, Josës, Menikinit, sërish Josës e sërish Starovës. Ka një arsye që gjithë këta trajnerë e megjithëse Tirana fiton pothuaj çdo vit kanë ikur. Madje, madje ka nga ata që kanë ikur edhe duke qenë në vend të parë, si puna e Josës. Hafizi pardje është ndjerë i tradhëtuar dhe nuk ka preferuar të flasë. Fundja çfarë të thotë. Që edhe ai i shtohet listës së pafundme të atyre, që joshen financiarisht nga Tirana dhe më pas largohen pas një barazimi, që mund ta marrë edhe Kapelo. Është gjithnjë e njëjta Tiranë. Me apo pa Hafizin.

King_Arthur · #7 21-02-08, 06:13 AM

Mema-Duro, 30 minuta debat
Trajneri: Kush del kundër rregullave të ikë, që nga unë pari. Duhet të funskionojmë

Palët kanë pasur një takim kokë më kokë përpara stërvitjes së djeshme. Në fund dalin në stërvitje

Ndryshe nga herët e tjera, ku gjysmë ore përpara startit të seancës stërvitore, zakonisht tekniku Mema ka bashkëbiseduar me grupin e futbollistëve, dje në zyrën e tij në prani edhe të pjestarëve të tjerë të stafit, ka qenë i pranishëm vetëm Klodian Duro. Kuptohet në qendër të bisedës me futbollistin e njohur ka qenë ajo çka deklaruar ai dje në “Sport Ekspres”, lidhur me akuzat e bëra nga trajneri, një ditë më parë në shtyp. Starti bisedës ka qenë disi me tone të larta, por më pas gjithçka ka shkuar drejt normalitetit.

﷓ Pas ndeshjes me Dinamon, cila është atmosfera që mbizotëron në grupin e futbollistëve tuaj?

﷓ Gjithçka e normalizuar. Faktikisht nuk ndihem i zhgënjyer nga loja e skuadrës, por nga rezultati që arritëm, megjithse ai takim edhe mund të humbej nga ne, ngaqë kishim përballë një kundërshtar të fortë. Gjithsesi tashmë atë e kam harruar, por kam nxjerrë disa konkluzione, që nëse do të ishin realizuar ato porosi që pata thënë, grupi do ta kishte patur më të lehtë për të “prekur” fitoren. Kjo nuk u arrit ngaqë kundërshtari,qe më racional se sa ne në veprime, dhe ruajti atë distancë, që mua nuk më pëlqen fare.

﷓ U janë shuar përfundimisht shpresat për ruajtjen e titullit?

﷓ Unë mendoj që jo. Në lojë janë edhe 39 pikë për t’u marrë nga skuadrat. Për mua janë shumë. Tirana për çdo javë e në çdo ndeshje duhet të mendojë tri pikët, për të përfituar nga ndonjë hap fals i rivaleve.

﷓ Këtë javë, Teuta një mundësi e mirë për të marrë tri pikë.

﷓ Nuk mendoj kështu ngaqë Teuta për Tiranën ka qenë gjithnjë një “kockë e fortë”. Dy ekipet gjithnjë kanë rivalizuar,ndaj kam mendimin se,bëhet fjalë për një ndeshje mjaft delikate.

﷓Pas derbit me Dinamon, sërish keni përsëritur termin “revolucion”.

﷓Sigurisht sipas meje te Tirana ai duhet të jetë në koncept dhe në mendim. Kurse thelbësorja e tij do të jetë në fund fare, ku trajneri pasi ka pa ecurinë e të gjithë futbollistëve do marrë masat për të përpunuar e bërë të gatshëm ekipin për sezonin tjetër.

Kjo është idea e “revolucionit” që unë dua të bëj. Pra gjithçka ka të bëj me zbatimin e ligjeve e rregullave, që Tirana ka vendosur vetë.

﷓ Cili është mendimi juaj në lidhje me produktivitetin e sulmit?

﷓ Sigurisht që Tirana ka probleme në sulm, siç u vu re edhe në derbi me Dinamon, por shpresoj se me punën që jam duke bërë me grupin, sulmi të jetë më efiçient, çka mendoj që do e ngrejë ekipin në planin moral.

﷓ Ka patur një reagim të Duros, lidhur me kritikat e juaja të ashpra.

﷓Pikërisht kjo ka të bëj me atë që thash më lart lidur me “revolucionin” në koncept e në mendim. Pra cilido qoftë ai, që nuk zbaton rregullat e klubit, detyrat që jep trajneri dhe ligjet që kanë vendos donatorët mund të jetë i lirë të largohet, madje duke nga unë i pari, sepse vetëm kështu mund të sigurojmë vazhdimësinë.

King_Arthur · #8 29-02-08, 06:32 AM

Apel tifozëve? Jam i sigurtë se s’do mungojnë”
Kur e shikon në fushë, të jep përshtypjen e një 20﷓vjeçari që po bën gjithçka për të qenë pjesë e formacionit dhe po nxjerr më të mirën e tij në çdo ndeshje. Mbrojtësi tiranas i Partizanit, Luan Pinari, duket se çdo vit e më tepër nuk ka ndërmend të lëshojë. Por si e shikon ai derbin e së shtunës, me Tiranën? “Nuk jam i vetmi që e mendon të rëndësishëm dhe të vështirë”, të thotë ai. Ka luajtur me të trija skuadrat e kryeqytetit, por një derbi Tirana﷓Partizani nuk e krahason me asnjë ndeshje tjetër. Sepse për të, “ky derbi luhet me pasion prej shumë vitesh përpara se unë të lindja.

﷓ Pesë gola ndaj Skënderbeut, thjesht një “zbavitje”, apo një mesazh për derbin e së shtunës?

﷓ Asnjëra dhe as tjetra. Në radhë të parë, ne u futëm në fushë për të fituar ndeshjen dhe për të kaluar turin, por edhe për të mos harxhuar shumë energji, për të vetmin fakt se të shtunën dihet që kemi derbin me bardheblutë. Më pas ne arritëm të fitonim më lehtë nga ajo që e kishim parashikuar ne. Por unë do të thoja se goleada e sotme (dje) ishte thjesht një rezultat i ndeshjes së kupës dhe kaq. Nuk ka asnjë lidhje me derbin e së shtunës. Nuk jemi nga ata që dërgojmë mesazhe nga një ndeshje kupe.

﷓ C’doni të thoni me këtë, që ka të tjerë, ose më saktë nga kampi i Tiranës, që e bëjnë një gjë të tillë?

﷓ Jo, nuk e thashë për atë. Thjesht jam i bindur se ne dimë të flasim në fushë në gjitha ndeshjet.

﷓ Përsëri tek derbi. Si duket?

﷓ Nuk ka nevojë që ta them unë se si është. Ky derbi është luajtur që përpara se të lindja unë e të gjithë lojtarët e tjerë, nga të dyja kampet. Pra, pavarësisht sesa mund të themi ne, ky derbi është më tradicionali dhe të gjithë e dinë rëndësinë e tij.

﷓ Jeni në vend të dytë, 3 pikë larg vendit të parë dhe 5 larg Tiranës. Përbën kjo një avantazh nga ana psikologjike?

﷓ Jo, nuk mendoj. Është një derbi dhe, siç e thashë, nuk ka rëndësi cili është më sipër në klasifikim dhe cili më poshtë. Tirana mbetet Tiranë.

﷓ Tifozët mezi e presin këtë derbi. Ç’do t’u thoni atyre?

﷓ Ata s’kanë nevojë që ne t’u themi asgjë. Dinë ta vlerësojnë vetë këtë takim dhe unë jam i bindur se do të jenë me të vërtetë lojtari ynë i 12﷓të në atë derbi.

﷓ Një mesazh për Tiranën

﷓ Të fitojë më i miri, domethënë ne

King_Arthur · #9 04-03-08, 06:50 AM

Tirana, Topi "shkarkon" Shkëlqim Muçën

Dorëheqja e shefit të klubit pas deklaratës së kreut të shtetit

Shkëlqim Muça ka dhënë dorëheqjen si shef i klubit Tirana, ndonëse është ai që udhëhoqi këtë skuadër drejt titullit kampion në sezonin e kaluar. Ndonëse në konferencën e "lamtumirës" Muça është përpjekur ta cilësojë këtë si një vendim personal, burime brenda klubit kanë bërë të qartë se shkarkimi i tij ishte i pashmangshëm, pas një kërkese shumë të veçantë të ardhur nga Presidenti i Shqipërisë, Bamir Topi. Ky i fundit u ka kërkuar donatorëve të largojnë shefin e klubit, pasi ka parë nga tribuna VIP e stadiumit "Qemal Stafa" skuadrën e zemrës të shpërbëhet në derbi, ndërsa ka cilësuar shefin e klubit si shkaktarin kryesor të kësaj situate.

Futbolli dhe politika kanë pasur dhe vazhdojnë të kenë lidhje të ngushta me njëri-tjetrin në vendin tonë. Por gjatë ditëve të fundit është shënuar një tjetër precedent i veçantë, pasi dorëheqja e shefit të klubit Tirana, Shkëlqim Muça, ka ardhur pas kërkesës joformale të kreut të shtetit, Bamir Topi, ish-president i kësaj skuadre dhe tifoz i saj. Presidenti Topi ka qenë në tribunën VIP të stadiumit "Qemal Stafa" gjatë derbit, por pasi ka parë skuadrën e tij të mundet në këtë ndeshje, është larguar i zhgënjyer. "Duke folur si ish-president i Tiranës dhe si tifoz i saj, mund të them se kjo skuadër nuk ka identitet", ishin fjalët e Presidentit Topi në një emision televiziv të së shtunës. Por burime brenda klubit kanë bërë të ditur se para kësaj deklarate, ai u ka bërë kërkesë donatorëve bardheblu të bëjnë ndryshime drastike në skuadër, duke filluar pikërisht nga shefi i klubit, i cilësuar si përgjegjësi kryesor për situatën që po kalojnë bardheblutë. Muça ka qenë ideatori i merkatos verore dhe asaj të janarit, të cilat nuk kanë sjellë frytet e kërkuara, duke e transformuar Tiranën nga një ekip pretendent për çdo trofe, në një skuadër që tashmë lufton për pjesëmarrjen në Kupat e Evropës në sezonin e ardhshëm.

Shefi i klubit, duke qenë në dijeni të kërkesës së kreut të shtetit, nuk ka pritur letrën e shkarkimit, por ka dhënë vetë dorëheqjen e parevokueshme. Megjithatë, ai ka preferuar të mos largohet me polemika, duke hedhur poshtë "teorinë e komplotit". Sipas tij, vendimi ishte pjesë e reformave që po kalonte klubi gjatë kësaj periudhe. "Unë mbaj përgjegjësitë e mia si çdo drejtues për këtë gjendje jo të zakonshme. Ky është një vendim që e kam marrë personalisht dhe pa u ndikuar nga askush", u shpreh ai para mediave, pasi komunikoi dorëheqjen e tij nga posti i shefit të klubit bardheblu. "Arsyeja kryesore nuk ka të bëjë me rezultatet. Te Tirana ka filluar një proces transformimi i klubit, që ka të bëjë me shndërrimin në një shoqëri aksionere për ta çuar më pas drejt privatizimit. Unë jam pjesë e këtij procesi duke qenë drejtues. Siç e dini, unë kam familjarë brenda grupit të donatorëve që po merren me këtë zhvillim. Për të shmangur të gjitha aludimet dhe për ta bërë sa më transparent procesin, për të mos aluduar edhe njerëzit për njëanshmëri, që të mos ekzistojë edhe konflikti i interesave, mendova si zgjidhjen më të mirë dorëheqjen. Kjo është një periudhë ku unë dëshiroj të jem sa më i qetë dhe të marrin fund të gjitha aludimet e mediave, ndaj dhashë dorëheqjen", tha Muça. Ai nuk bëri të qartë se cila ishte e ardhmja e tij, por nuk e hodhi poshtë hipotezën e kthimit, si një trajner te një skuadër tjetër në kampionatin shqiptar. "Sërish trajner? Pse jo, ende jam i ri", deklaroi Muça në konferencën e tij të fundit për shtyp si shef i klubit Tirana.

King_Arthur · #10 04-03-08, 06:50 AM

Mema: Tani nuk ka më "të paprekshëm"

Trajneri i Tiranës, Sulejman Mema, ka bërë të qartë se duke filluar nga ndeshja e Kupës me Kastriotin, skuadra do të pësojë ndryshime dhe të gjithë lojtarët do të cilësohen si të barabartë. Pas dorëheqjes së shefit të klubit, Shkëlqim Muça, mbi teknikun bardheblu bie barra e të gjitha vendimeve të rëndësishme për skuadrën. "Që kur kam ardhur unë, po ndodhin gjëra të çuditshme. Masa ndëshkimore? Do të shihni në fushën e lojës. Më mirë të flasim pas mbarimit të sezonit. Kur të mbarojë kampionati besoj se do të ketë largime, nuk mund të largojmë tani lojtarë. Me zor i kemi këta që janë aktualisht. Kastrioti? Është një ndeshje shumë e vështirë për mua. Kërkojmë të rehabilitojmë diçka. Situatë më të keqe se kjo pas Partizanit nuk ka për mua. Ndoshta ju duket se e kam marrë me pak menefregizëm, por brenda nuk jam ashtu, ndihem shumë keq. Madje, tani ndihem edhe më keq pas largimit të Muçës. Kam bindjen se Tirana do ta kalojë shumë shpejt këtë situatë. Ndonjë titullar i përhershëm në bankinë? Besoj se po. Ka ardhur koha të lëvizim", deklaroi dje Mema

Sport Klub "Tirana"

Sport Klub "Tirana"

Re: Sport Klub "Tirana"

Re: Sport Klub "Tirana"

Opsionet e temes
Trego versionin e printueshem Dërgo kete faqe me Email