Lajmi i dites 23/02/2008 Rama: Meta, lëri lojërat

"Më vjen keq që miku im iu rikthye politikës së vjetër"

Koalicioni i majtë është përçarë. LSI-ja ka bërë të ditur dje përfundimisht largimin e saj nga ky koalicion dhe krijimin e një aleance të re opozitare "E majta për integrim". Ky qëndrim është zyrtarizuar dje nga kryetari i LSI-së, Ilir Meta, gjatë një konference për shtyp, pas vendimit të marrë nga kryesia e partisë. Shkak i kësaj përçarjeje mes koalicionit të majtë është bërë mungesa e konsensusit për reformën zgjedhore dhe "aleanca" që PS-ja po bën me PD-në në kurriz të partive të vogla. Duke përforcuar deklaratat e dy ditëve më parë të nënkryetarit të LSI-së, Dritan Prifti, kryetari Meta deklaroi se ky vendim është marrë pas diskutimeve të bëra nga Kryesia e LSI lidhur me situatën kritike, ku ka hyrë reforma shumë jetike zgjedhore, si dhe vetë perspektiva e integrimit të vendit në NATO dhe BE, në mënyrë të veçantë nga sjellja e paprinciptë dhe tejet e rrezikshme e lidershipit PD-PS. Kreu i LSI-së ka bërë publike disa nga konkluzionet që e kanë çuar këtë forcë të marrë vendimin përfundimtar për largimin nga koalicioni i majtë dhe krijimin e një koalicioni të ri. Sipas Metës, koalicioni opozitar ka pushuar së funksionuari që pas zgjedhjeve vendore të 18 shkurtit të vitit 2007 dhe për këtë përgjegjësia kryesore është e lidershipit të Partisë Socialiste. Vendimet e rëndësishme për çështje madhore politike dhe të reformave, sqaroi Meta, janë marrë sistematikisht në mënyre të njëanshme. "Bashkëpunimi i hapur dhe luajal midis opozitës për hir të reformave madhore integruese, është kthyer në një lidhje jo transparente dhe personale mes lidershipit të PS dhe PD. Pasoja më e rrezikshme e kësaj marrëdhënieje jotransparente dhe joparimore është pikërisht shkatërrimi i reformës zgjedhore gjoja në emër të integrimit në NATO", është shprehur Meta. Ai ka theksuar se në mënyrë të përsëritur, LSI ka kërkuar arritjen e një konsensusi midis partive të opozitës, si dhe ka kërkuar shpeshherë mbledhjen e Komisionit Parlamentar për Reformën Zgjedhore. Por, shton kryetari i LSI-së, në vend të gjetjes së një konsensusi sa më të gjerë brenda opozitës dhe brenda vetë komisionit parlamentar pozitë - opozitë, lidershipi i PS ka zgjedhur bojkotimin e koalicionit opozitar, si dhe bllokimin e programuar të komisionit parlamentar për reformën zgjedhore, duke preferuar koalicionin e mbyllur "të listave të mbyllura" dhe "interesave të mbyllura" të lidershipit PD-PS. Ndaj LSI, tha Meta, ndien përgjegjësitë e saj publike dhe kombëtare për të denoncuar këtë rrezik që i kanoset demokracisë dhe integrimit të vendit nga riciklimi i lojërave të përsëritura dhe me kosto të jashtëzakonshme për demokracinë dhe stabilititetin politik të vendit. "LSI afirmon edhe më fuqishëm vendosmërinë e kahershme që prej themelimit të saj për shenjtërimin e votës së shqiptarëve për të punuar me të gjithë forcat e faktorët e përgjegjshëm politike në Parlament e jashtë tij, madje edhe brenda PS dhe PD për të shpëtuar vendin nga masakra elektorale e radhës", ka deklaruar kryetari i LSI-së. Ai beson se jo vetëm politika shqiptare, por edhe e majta në përgjithësi hyn në një fazë të re cilësore dhe vendimtare për të ardhmen. Sipas Metës, krijimi i koalicionit të ri opozitar e "Majta për Integrim", do të synojë integrimin dhe përfaqësimin e të gjitha kontributeve të të gjithë shqiptarëve që besojnë te vlerat e vërteta të së majtës, progresit dhe integrimit. Krizën në koalicionin e majtë e ka zbuluar reforma zgjedhore, pasi PS-ja nuk po gjente një gjuhë të përbashkët me partitë e vogla në lidhje me përzgjedhjen e sistemit elektoral dhe përcaktimit të pragut. Megjithëse partitë e vogla kishin kërkuar një tryezë për të diskutuar konkretisht për reformën zgjedhore dhe për t‘u njohur saktësisht me qëndrimin e PS-së, deri më tani ata nuk kanë marrë një përgjigje zyrtare përveçse deklaratave në shtyp.

PS i ikin aleatët e majtë. Besnik deri më tani vetëm Gjinushi

Ceka e Milo: Do të mbështesim koalicionin e ri të LSI


LSI-ja nuk është e vetme në nismën e saj për krijimin e një koalicioni të ri opozitar, pjesë e kësaj nisme pritet të bëhen edhe dy partitë e tjera opozitare, PAD-ja e drejtuar nga Neritan Ceka dhe PDS-ja e drejtuar nga Paskal Milo. Presidenti i Aleancës Demokratike ka deklaruar dje se forca e tij politike e mbështet LSI-në në nismën e saj, pasi ka ardhur koha t‘i japim fund "megadushkut" dhe manipulimeve në zgjedhje. Sipas Cekës, ky reagim i partive të vogla të majta ndaj PS-së ka ardhur sepse për sa i përket reformës zgjedhore PS ka heshtur ose ka promovuar një sistem, i cili është haptas në kundërshtim me interesat e koalicionit, dhe nuk ndikon në bashkimin e tij, por në përçarjen e koalicionit, pra një sistem i cili ka në thelb të tij eliminimin e aleatëve dhe jo fitoren. "Nuk ka një koalicion, por në fakt ka një opozitë që vepron bashkë dhe një tryezë opozitare, por kohët e fundit ka munguar transparenca në lidhje me reformën zgjedhore", është shprehur Ceka. Duke theksuar se me një bazë të tillë nuk ka fitore, por vetëm humbje, kështu që bashkëveprimi është i pamundur. Sipas tij, reagimi i LSI-së ka qenë i qartë. Reagimet tona, tha Ceka, në prononcimin e tij, janë gjithashtu të qarta, sepse të gjitha partitë e tjera përveç PS-së kanë nënshkruar një dokument ku kërkojnë një sistem të personalizuar proporcional, ku të eliminohet fenomeni Dushk dhe të jepet mundësia që koalicionet të realizohen pas zgjedhjeve. "Vetëm në këtë formë do të duket edhe forca e çdo partie, do të hiqet dhe ajo që quhet klientelizëm partiak dhe çdo parti do të provojë sesa e fortë është në zgjedhje. Besoj se ky është sistemi që i jep mundësinë edhe shqiptarëve të kenë në Parlament aq deputetë sa kanë votuar ata në kutitë e votimit", është shprehur Ceka. Gjithashtu, të njëjtën linjë mendimi me Cekën dhe LSI-në për reformën zgjedhore në vend ndan edhe kryetari i PDS-së, Paskal Milo, i cili së bashku me Cekën para pak ditësh gjatë një konference për shtyp i kanë rënë të parët kambanës së alarmit se dy partitë e mëdha po bashkëpunojnë njëra me tjetrën për reformën zgjedhore në kurriz të partive të vogla. Këtyre qëndrimeve deri më tani nuk u është bashkuar PSD-ja e Gjinushit, duke mbështetur PS-në.

Pa marrë parasysh se a do t’i lejon sot apo jo Bernard Kushner flamujt
shqiptar brenda vendvotimeve gjatë zgjedhjeve; pa marrë parasysh se Vojislav
Kostunica mendon se televizori amerikan ka shtrembëruar fjalët e tij sepse
ai nuk e pranon përgjegjësinë dhe fajin serb në Kosovë, zjedhjet do ta kenë
efektin e vet historik në rrugën drejtë pavarësisë së Kosovës.
Një mendim të tillë kanë edhe diplomatët (edhe pse nuk e thonë
publikisht), ekspertet dhe shtypi amerikan.
Gazeta amerikane “Christian Science Monitor” në një koment të enjtën të
titulluar “Lindja e një kombi në Kosovë” theksoi faktin se prania e forcave
ndërkombëtare dhe mbajtja e zgjedhjeve të lira dhe demokratike janë garanci
për pavarësinë e Kosovës. Por për të ardhur deri te pavarësia e plotë,
mendon kjo gazetë, “shqiptarët e Kosovës duhet të tregojnë se mund t’i
trajtojnë minoritetet e serbëve dhe të romëve në mënyrë të drejtë dhe
humane. Udhëheqësit (e shqiptarëve) duhet ta tejkalojnë ndjenjen
nacionaliste drejtë negociatave dhe bashkëpunimit me fqinjët e tyre.”
Si kundër përgjigje ndaj “masave konstruktive” që ka premtuar se do të
ndëmarrë presidenti i ri serbserb për marrjen e përgjegjësisë rreth
masakrave në Kosovë dhe lirimin e të burgosurëve politik (dy premtime që I
ka dhën por nuk I ka realizuar), shqiptarët mund të zotohen për mbrojtjen e
vendeve “të shenjta serbo-ortodokëse në Kosovë.”
“Angazhimi ndërkombëtar në Kosovë, ndërkohë, jep garanci se proceset e
tilla kanë shansë fitorjeje. Investimet ndërkombëtare në fushën ushtarake
dhe financiare që janë bërë (në Kosovë) nuk janë afat-shkurtëra. Por
kërkohet durim në mënyrë që ato (investime) të shndërrohen në sukses. Por
tempoja e tanishme (e ngjarjeve) padyshim se shpien kah pavarësia,” shkruan
në fund të komentit gazeta konservative “Christian Science Monitor.”
Këtë javë idenë e pavarësisë e avancojë një raport që u dorëzua në OKB i
përgatitur nga Komisioni Ndërkombëtar i Kosovës nën mbikqyrjen e ish
kryeprokurorit të gjykatës së Hagës me renome botërore, Riçërd Goldstone.
Në raportin e tij, ndikim të konsiderueshëm kanë patur edhe ekspertët
amerikanë që trumpetojnë idenë e pavarësisë.
“Komisioni është tërësisht i bindur se të gjithëve në Kosovë duhet t’ju
jepet rasti që ta përcaktojnë vet të ardhmën e tyre politike.” Si pikënisje
Komisioni propozon “pavarësi të kushtëzuar,” gjë që ka për qëllim zbutjen e
reagimeve potenciale serbo-ruse si dhe atyre kineze.
I zënë në befasi nga raporti për pavarësinë e Kosovës, Koshtunica shkoi
dje në Rusi që të konsultohet me presidentin rus Vladimir Putin. Pritet që
Rusia të mban qëndrim të ashpër kundër raportit, por Putini nuk është në
pozitë aq të mirë si më parë për ndonjë rezistencë domëthënëse.
Akti i pavarësisë, thuhet në raportin e Komisionit për Kosovën, do të
realizohet së pari përmes votave të lira dhe pastaj të votohet në
referendum, kurse për sigurinë e vendit duhet të vazhdojë të kujdeset NATO.
Sipas raportit në fjalë, nuk vjen në shprehje që komuniteti ndërkombëtar
ta pengojë vullnetin politik të popullit të Kosovës, sepse një deklarim i
tillë përmes referendumit është e drejtë dhe e ligjshme.
Në raportin e Komisionit thuhet se “pavarësia e plotë” në këtë kohë do t
’ishte e pamundur për Kosovën, sepse asaj i mungojnë elementet themelore të
shtetësisë, duke përfshirë pamundësinë për të mbajtur rendin
brendapërbrenda, pamundësinë për të garantuar paqën ndër-etnike si dhe
mungesa e forcave mbrojtese për tu mbrojtur nga sulmi i jashtëm.
Prandaj Kosova “është dhe do të mbetet e mvarur në praninë ushtarake të
KFOR-it në tokë, kurse në NATO-n për ta mbrojtur atë nga ajri dhe deti.”
Mirëpo paknaqësitë që shpesh shprehen në Kongresin amerikan dhe
deklaratat kërcënuese të kandidatit për president Xhorxh Bush rreth
tërheqjes së focave amerikane nga Ballkani ka bërë që ndërkombëtarët ta
shpejtojnë idenë për diskutimet rreth statusit përfundimtar të Koëovës.
Këtë ndjenj e shprehu edhe ambasadori amerikan në OKB Ricërd Hollbruk
gjatë vizitës së tij të mbramë në Prishtinë duke theksuar se status kuoja
nuk mund të vazhdojë përgjithmonë. Deklaratat e ambasadorit amerikan ishin
jehonë e thirrjeve të Kushnerit, i cili kohëve të fundit ka përkrahur idenë
e tij për fillimin e bisedimeve për statusin e Kosovës.
Sipas këndëvështrimit amerikan, sa më shpejt që Kosova të bëhet e zonja e
vetvetës, aq më shpejt SHBA-të do t’ishin në gjendje që t’i tërhiqnin trupat
e tyre nga rajoni.
“Kushtet që do të paraqesin ndërkombëtarët për një Kosovë të pavarur janë
të lehta për shqiptarët,” deklaroi për gazetën Zëri një analist amerikan për
Ballkanin duke iu referuar raportit të Komisionit Ndërkombëtar për Kosovën
që u dorëzua në OKB të martën. Sipas këtij eksperti, “Kosova tani mund të
shkoi vetëm në një drejtim – kah pavarësia.”
Ndër kushtet kryesore për “pavarësinë e kushtëzuar” do të jetë rspektimi
dhe garantimi i të drejtave të njeriut kurse nga ndërkombëtarët në Kosovë
kërkohet garantimi i mbikqyrjes së këtyre të drejtave ndërsa UNMIK-u
realizon transferimin e administrimit të Kosovës nga vetvetja në duart e
parlamentit kombëtar, në duart e popullatës vendëse, respektivisht në duart
e shqiptarëve.

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥

Misioni në Kosovë i Organizatës për Siguri dhe Bashkëpunim në Evropë (OSBE)-së pret që përgjigjja e votuesve në zgjedhjet e sotme vendore të jetë sa më e lartë.

Drejtoresha e Departamentit të zgjedhjeve Suzan Kardif tha se gjithçka është gati që rreth 1 milion e 300 mijë votuesë të regjitruar të votojnë pa probleme.

Zgjedhjet e sotme sipas saj do të vëzhgohen nga një numër shumë i madh vëzhguesish ndërkombëtarë e vendorë dhe gjasat për manipulime të çfarëdo natyre, pothuajse nuk ekzistojnë.


"Kemi procedura specifike edhe për numërimin e votave. Vëzhguesit do të jenë të pranishëm në gjthë këtë proces. Gjithçka është e organizuar shumë mirë dhe ne shpresojmë se gjithçka do të shkojë ashtu siç është planifikuar", tha Kardif.

Qendrat e votimit janë hapur nga ora 7 të mëngjesit dhe do të mbyllen në ora 19.00.

Secili votues që ndodhet në qendër të votimit në këtë kohë, sipas procedurave të caktuara nga OSBE-ja, do të ketë të drejtë të votojë.

Në këto zgjedhje konkurrojnë 5.500 kandidatë për 900 vende sa sa do të kenë asambletë e 30 komunave të Kosovës.


Rezultatet paraprake për zgjedhjet e sotme priten të hënën, kurse ato përfundimtare, sipas Departamentit për Zgjedhje në OSBE, do të publikohen gjatë fundjavës së ardhshme

__________________
▌ ║││█║▌Të Dashurosh Eshtë Vepër, Te Tradhëtosh Eshtë Kryeveper ▌ ║││█║▌

♥♥Innamorato
sempre di più
in fondo all'anima
sei sempre tu.
Perché non è una promessa
ma è quel che sarà
domani e sempre♥♥