Kosova Shpall Pavarsine

Kosovaret, te cilet kane realizuar keshtu endrren e tyre shekullore plote sakrifica e mund, kane nisur festimet ne cdo rruge te Kosoves. Nderkaq menjehere pas shpalljes se pavaresise se Kosoves ka reaguar Belgradi. Presidenti serb Tadic ka theksuar se vendi i tij nuk do ta njohe kurre pavaresine

Ora 16:25 Shqiperia dhe Britania pershendesin pavaresine e Kosoves

Deklarata e pavaresise se Kosoves, menjehere pas miratimit te saj eshte pershdentur nga kryeministri i Shqiperise Sali Berisha. Sipas kreut te kabinetit shqiptar me miratimin e kesaj deklarate deputetet kosovare votuan per pavaresine e vendit te tyre,qe perjetoi regjimin me te eger ne Ballkan. “Perulemi para vepres se Rugoves” tha Berisha duke pershendetur me tej udheheqjen e Kosoves.
Nderkaq sipas agjencise se lajmeve AFP shpallja e pavaresise se Kosoves eshte pershendetur dhe nga Britania. “Shpallja e pavarësisë nga parlamenti kosovar është një "zhvillim i rëndësishëm" për Kosovën” deklaroi sot një zëdhënës i Foreign Office-it duke shtuar se një deklaratë zyrtare pritet të bëhet nesër pas takimit të ministrave te jashtem te BE ne Bruksel.


Ora 16:10 Menjehere pas shpalljes se pavaresise se Kosoves ka reaguar Belgradi. Presidenti serb Tadic ka theksuar se vendi I tij nuk do ta njohe kurre pavaresine. Sipa tij Beogradi “ka reaguar dhe do te reagoje me te gjitha mjetet paqesore, diplomatike dhe ligjore per te anulluar kete akt te institucioneve te Kosoves”. Nderkaq per kryeministrin serb Koshtunica “ka lidur ilegalisht nje shtet falls”.

Ora 15:50 Kuvendi i Kosoves ka shpallur Kosoven Shtet. Ne seancen e jashtezakonshme te mbajtur nga Kuvendi i Kosoves, parlamentaret kane miratuar njezeri deklaraten e Pavaresise e cila u lexua nga kryeministri Thaci . Permes kesaj deklarate zyrtaret e Kosoves zotohen te zbatojne planin e Ahtisarit, te respektojne fqinjesine e mire me shtetet e tjera, per paqe dhe stabilitet. Deklarata e Pavaresise eshte duke u firmosur nga te gjithe deputetet e pranishem ne parlament.
Me miratimin e deklarates se pavaresise Kosova sot shpallet shteti me i ri i Ballkanit, Europes dhe Botes. Kosovaret, te cilet kane realizuar keshtu endrren e tyre shekullore plote sakrifica e mund, kane nisur festimet ne cdo rruge te Kosoves.
Sot Kosova u nda pergjithmone nga Serbia dhe dita e sotme do te nise punen ne bashkerendim me misionin nderkombetar te akredituar atje. Nga sot Kosova do te kete kufijte e saj, flamurin dhe stemen e saj shteterore.

Pas miratimit Deklaratës së Pavarësisë për Kosovën shtet të pavarur, sovran dhe demokratik, deputetët do të miratojnë edhe simbolet shtetërore, flamurin dhe stemën.


Thaci: Sot dite historike per Kosoven. Angazhohemi per respektimin e te drejtave te komuniteteve

Ora 15:25 Kryeministri Thaci ne fjaken e tij ne kuvend e ka quajtur diten e sotme nje dite historike per popullin e Kosoves. “Ka qene rruge e gjate e veshtire e sakrificave per te ardhur tek dita e sotme. Shpresat tona nuk kane qene asnjehere me te medha, populli nuk ka qene asnjehere me i bashkuar, Kosova asnjehere nuk ka pasur mbehtetjen me te madhe nderkombetare. Sot e gjithe bota eshte me ne dhe ne po behemi pjese e barabarte e botes demokratike ka thene Thaci duke vene theksin se shteti i ri i Kosoves shenon shperberjen perfundimtare te ish- Jugosllavise. Duke vleresuar rendesine e kesaj dite kreu i qeverise se Kosoves nuk la jashte vemendjes sfidat e htetit me te ri te botes si ato ne ekonomi, arsim, shendetesi apo rrugen drejt integrimit europian. Thaci rikonfirmoi me tej gatishmerine e qeverise se tij per respektimin e te drejtave te te gjithe komuniteve ndersa shprehu mbeshtetjen per misionin e ri te BE ne Kosove.


Fillon seanca e jashtezakonshme e Kuvendit te Kosoves

Ora 15:10 Ka nisur seanca e Kuvendit te Kosoves ku ne rend te dites jane shpallja e deklarates se pavaresise dhe miratimi i simboleve shteterore. Kuvendi eshte hapur me fjalen e kreut te tij Jakup Krisniqi i cili e quajti kete dite historike per kombin. Ai beri nje pershendetje te vecante per perfaqesuesin e familjes Jashari si perfaqesues te te gjitha flijimeve te familjeve te popullit shqiptar. “Zotimi im solemn per Kosoven shtet demokratik eshte premtimi per vlera me te perparuara e themeltare te shoqerise se sotme njerezore. Kosova asnjehere n ejeten e saj nuk ka patur miq sa ka patur sot” tha Krasniqi.


Rreth 250 makina me serbe nisen nga Medara ne drejtim te Kosoves

Ora 14:35-Rreth 250 automjete nga Serbia jane drejtuar ne drejtim te Kosoves per te protestuar shpalljen e pavaresise. Kosvapress konfirmon se drejt pikes kufitare te Merdares, nga Serbia jane nisur rreth 250 vetura me popullate serbe, per te protestuar kunder pavaresise se Kosoves.
Sherbimi Policor i Kosoves ne kete pike kufitare konfirmon se nuk do te lejoje hyrjen e ketyre serbeve ne Kosove

Torta e Pavaresise zbret ne sheshin “Nene Tereza”, Prishtine

Ora 14:00-Nje torte e madhe eshte pergatitur dhe vendosur ne qender te rruges “Nene Tereza” ne Prishtine, pak ore para shpalljes se deklarates se pavaresise ne Kuvendin e Kosoves. Mjaft njerez jane te mbledhur rreth tortes qe lexon “Pavaresi”. Torta eshte pergatitur nga disa kuzhiniere lokale te cilet kane punuar per te gjate javes se fundit. Nderin per ta prere i pari torten e pavaresise do ta kete kryeministri Hashim Thaci.

Thaci i kerkon botes te njohin shtetin e ri te Kosoves

Ora 13:50-Kryeministri i Kosovës ka nënshkruar një letër, me të cilën fton 192 vende të botës, duke përfshirë edhe Serbinë, që ta njohin pavarësinë e Kosovës. Kryeministri Hashim Thaçi tha se Parlamenti do të deklarojë Kosovën "shtet të pavarur, sovran dhe demokratik".

Prishtina ne feste dhe nen emocionet e pavaresise se paralajmeruar

Ora 13:45-Prishtine- Ne mesdite disa mijera qytetare kosovare jane mbledhur ne Sheshin ‘Nena Tereze’ ne Prishtine, duke festuar shpalljen e paralajmeruar te pavaresise se Kosoves.
Duket se qytetaret kane menduar te vazhdojne festen e mbremshme, e cila ka zgjatur deri ne oret e para te mengjesit te sotem. Fishekzjarre, tullambace, kenge dhe buri makinash popullojne te gjitha rruget e kryeqytetit kosovar.
Nderkohe ne sheshin kryesor prane Hotel "Ilirise" po behen pergatitjet e fundit ne skenen gjigande ku do te ngjiten ne mbremje kengetaret me ne ze te Prishtines.
Pritet te jene minutat e para te ores 15:00 te se dieles kur do te shpallet zyrtarisht shteti me i ri ne bote, me mbeshtetjen e SHBA-se dhe Bashkimit Europian, dhe ne kundershti te plote me Rusine dhe Serbine, qe e konsideron kete territor nje djep te identitetit te saj kombetar

Lugina e Presheves kerkon: Plani Ahtisaar te zbatohet dhe tek ne

Ora 13:30-Ne prag te pavaresise se Kosove Lugina e Presheves eshte blinduar nga forcat speciale qe kontrollojne gjendjen ne rajon.

Nderkaq Kuvendi Shqiptar i Lugines kan perkrahur parezerva pavaresine e Kosoves.
Kuvendi kombetar ka kerkuar gjithashtu qe vlerat e planit te Ahtisaarit lidhur me te drejtat e pakicave ne Kosove te aplikohen edhe ne Lugine te Presheves. Po ashtu, Kuvendi ka kerkuar prezence te shtuar te faktorit nderkombetar ne Lugine te Presheves duke pasur parasysh momentet e ndjeshme dhe apelon tek shqiptaret e Lugines qe te mos i pergjigjen provokimeve te mundshme eventuale.

__________________
Respect my uh-thawr-i-tah!

Flamuri i Kosoves do jete me fushe te kalter

Ora 13:15-Ne seancen e jashtezakonshme pritet te miratohet dhe simboli i shtetit te Kosoves, flamuri. Sic bejne te ditur agjencite e lajmeve kosovare, flamuri qe pritet qe Kuvendi te miratoje ka fushën e kaltër, me hartën e Kosovës në mes, dhe gjashtë yje mbi hartë. Yjet kanë ngjyrën e bardhë, ndërsa harta e Kosovës ngjyrë ari.
Sipas te njejtave burime stema e shtetit të ardhshëm të Kosovës, e cila eshte derguar për miratim në mbledhjen e jashtëzakonshme të Kuvendit ka po ashtu fushë te kaltër, me hartën e Kosovës, ngjyrë ari dhe gjashtë yje të bardhë, si dhe kornizën ngjyrë ari.


Seanca e jashtezakonshme ne oren 15:00

Ora12:40-Seanca e jashtezakonshme do te mbahet ne oren 15:00. Pas miratimit nga Kryesia e Kuvendit të Kosovës kerkesa e përbashkët të kryetarit Fatmir Sejdiu dhe kryeministrit Hashim Thaçi, për mbajtjen e një seance të jashtëzakonshme sot në ora 15.00, pritet të lexohet deklarata për shpalljen e pavarësisë dhe miratimi i simboleve shtetërore.

Kryesia e Kuvendit: Te thirret seanca e jashtezakonshme

Ora 12:35-Kryesia e Kuvendit miraton kerkesen e paraqitur nga Kryeministri dhe Presidenti i Kosoves per thirrjen e seances se jashtezakonshme parlamentare. Ne axhenden e dites do te jene dy ceshtjet e kerkuara nga Sejdiu e Thaci.
Sipa kreut te Kuvendit, Jakup Krasniqi, seanca do te filloje ne oren 15:00.

Mblidhet kryesia e Kuvendit

Ora 12:30-Kryetari i Kuvendit thirri sot ne mesdite mbledhjen e kryesise se Kuvendit te Kosoves. Jakup Krasniqi beri te ditur ne nje konference per shtyp se ne mbledhje do te marrin pjese per shqyrtimin e kerkeses se Presidentit dhe kryeministrit te Kosoves kryetaret e partive, gjithsej 6. “Ne baze te rregullores se punes, sot kryeministri i Kosoves se bashku me presidentin i ka propozuar Kuvendit te thirret seance e jashtezakonshme per dy ceshtje ne rendin e dites: Deklaraten e pavaresise dhe miratimin e simboleve shteterore. Marrim ne shqyrtim ceshtjet”, tha Krasniqi. Mbledhjen e kryesise e pershendeten Presidenti Sejdiu dhe kryeministri Thaci qe ishin te pranishem ne salle.

Sot KFOR i pranishem kudo ku jetojne pakicat serbe

Ora 12:10-Trupa te KFOR ne gatishmeri ne enklavat serbe ne Kosove. Korrespondentja jone ne Kosove, Albana Qehajaj ben te ditur se trupat nderkombetare jane vendosur kudo ku jetojne pakica sertbe ne Kosove dhe sic shprehen ata kjo perben nje mase sigurie per cdo rast destabilizimi gjate festimeve te sotme me rastin e Shpalljes se Pavaresise. Por nderkohe atmosfera ne Kosove paraqitet e qete nderkohe qe SHPK thekson se asnje incident nuk eshte shenuar gjate dites se sotme.

Ne oren 12:00 mblidhet seanca e jashtezakonshme

Ora 11:45-Duke filluar nga ora 12:00 Kuvendi i Kosoves do te mblidhet kryesia e Kuvendit ku do te shqyrtohet kerkesa e Kryeministrit dhe Presidentit te Kosoves dorezuar kete paradite. Ne letren drejtuar kreut te Kuvendit Jakup Krasniqi kerkohet shpallja e pavaresise se Kosoves dhe miratimi i simboleve shteterore. Siç njoftoi kryeministri Thaçi seanca e jashtëzakonshme do të fillojë në ora 12:00. Pritet qe ne 13:30 te mblidhen grupet parlamentare dhe ne perfundim rreth pres 15:00 seanca plenare e jashtezakonshme ku pritet te shpallet edhe pavaresia e Kosoves.

Thaci konfirmon: Thirra Kuvendin te shqyrtoje Deklaraten e Pavaresise

Ora 11:00-Kryeministri kosovar konfirmon zyrtartarisht se Kuvendi po shqyrton Deklaraten per Pavaresine e Kosoves. Ne nje konference te shkurter per shtyp, Thaci ka bere te ditur permbajtjen e letres qe i ka dorezuar kete paradite parlamentit te Kosoves. ”Dua te informoj popullin e Kosoves, te gjithe pa dallime se me perspektive te sigurt ne jemi duke vazhduar me axhenden e percaktuar te institucioneve te Kosoves. Dua te informoj se kam pasur nderin e kenaqesine dhe pergjegjesine shteterore qe para pak castesh ti dorezoj Kryetarit te Kuvendit Jakup Krasniqi letren per seance te jashtezakonshme sot. Permbajtja e letres qe une dhe Kryetari i Kosves, Fatmir Sejdiu ja kemi derguar eshte:
”Sot ndodhemi ne prag te momentit me te rendesishem te historise. Nisur nga fakti se bisedimet per statusin e Kosoves kane perfunduar dhe duke pritur misionin e BE qe do ndihmoje zhvillimin demokratik , ne perputhje me Planin Ahtisaari, ne perputhje me nenet ..., kam therritur Kuvendin e Kosoves ne seance te jashtezakonshme te shqyrtoj pikat e rendit te dites: Deklaraten e pavaresise dhe miratimin e simboleve shteterore”, tha Thaci duke shtuar se "letra eshte nenshkruar nga Presidenti i Kosoves dhe nga une si kryeminister".


Kreu i TMK: Te festojme ne qetesi

Ora 10:20-Kryetari i TMK-se u ben thirrje per qetesi qytetareve. Ne nje prononcim per shtyp, kreu i Trupave Mbrojtese te Kosoves Sylejman Selimi shprehet se qytetaret kosovare kane deshmuar dhe me pare vlerat e tyre demokratike ndaj shprehet i bindur se dita e sotme do te festohet ne qetesi dhe entuziazem.

Thaci dorezon ne Kuvend kerkesen per seance te jashtezakonshme

Ora 10:15-Kryeministri Hashim Thaci ka dorezuar ne Kuvend kerkesen per seance te jashtezakonshme. Pritet qe ne oren 11:00 kryeministri te beje nje deklarate ku do te beje publike kërkesën për seancë të jashtëzakonshme të Parlamentit. Ndersa ne oren 12:00 Kuvendi do te mbledhe kryesine e tij ku do te diskutoje kerkesen e dorezuar nga kryeministri.
Presidenti Sejdiu vlereson kontributin e madh per arritjen e kesaj dite

Ora 10:10-Presidenti i Kosoves Fatmir Sejdiu ka zgjedhur qe kete mengjes te dites se pavaresise te beje homazhe prane varrit te ish-presidentit te ndjere Ibrahim Rugova. Sejdiu ku ka vleresuar kontributin e tij te madh ne arritjen e kesaj dite te vecante per kosovaret. “Sot eshte nje dite e vecante per Kosoven, eshte kthesa e madhe e hyrjes ne nje epoke te re te zhvillimeve demokratike, dhe bashkangjitjen e Kosoves me familjen e lire te vemdeve demokratike, ndaj dhe eshte nje nder i vecante per te gjithe ne she per te gjith brezat qe dhane jeten per kete shtet te lire, ne binomin e vete te Ibrahim Rugoves dhe Adem Jasharit kane simboliken e perjetesis”, tha Sejdiu.
Nderkaq homazhe prane varrit te Rugoves kane bere dhe mjaft qytetare nga Kosova dhe Shqiperia.


Bush, mbeshtet pavaresine e Kosoves

Ora 10:05 Presidenti amerikan Bush eshte shprehur sot ne favor te pavaresise se Kosoves nen mbikqyrjen nderkombetare. Sipas Associated Press, duke folur qe nga Tanzania ne Afrike ku Bush po zhvillon nje tur gjashte ditor, presidenti amerikan ka deklaruar se eshte ne interesin e vete serbeve qe te mbeten te drejtuar ne Europe. Bush shtoi se “Populli serb duhet gjithashtu ta dije se ata kane nje mik, Ameriken”. Ky eshte nje tjeter sinjal se SHBA mbeshtet shtetin e ri te Kosoves dhe do te jete ashtu sic eshte parashikuar nder vendet e para qe do ta njohe shtetin e ri. Mbeshtetjen per pavaresine Bush e deklaroi edhe gjate vizites se tij te pare historike ne Tirane . Ne fakt SHBA konsiderohet si vendi mik qe shpetoi popullin e Kosoves, ne kete dite te madhe te pavaresise, flamuri i dyte qe valvitet ne Kosove pervec atij kuq e zi, eshte flamuri amerikan.

__________________
Respect my uh-thawr-i-tah!

Edhe SHBA ne pritje te zhvillimeve ne Kosove

Ora 10:00-Shtetet e Bashkuara te Amerikes jane ne pritje te zhvillimeve ne Kosove per te marre vendimin e duhur. Keshtu ka deklaruar keshilltari per Siguri Kombetare, Shtefen Hedlej ne nje interviste per mediat nderkombetare nga aeroplani presidencial “Air Force One”, ne te cilin presidenti Bush po udhetonte drejt Afrikes.
“Presim te shohim se si do te procedojne gjerat”, ka pohuar Hedlej, duke iu pergjigjur pyetjeve te gazetareve, nese SHBA-ja eshte gati ta njohe pavaresine e Kosoves.

SHBA: Gjysmë milonë shqiptarë në sheshet e Amerikës për të festuar

Ora 09:30 Shqiptarët nga e gjithë Amerika e Kanadaja kanë dalë në rrugë e sheshe për të festuar këtë ditë të madhe ditë historike e cila vjen menjëher pas asaj të 1912. Sot, të gjithë po festojnë, duke mos harruar se kemi me vete mikun e madh dhe të përjetëshë Amerikën! E gjithë kjo po ndodh kur vetë amerikanët nesër fetojnë ditën e Presidentit të SHBA- Presidnent Day. Çdo shqiptarë në Amerikë po kërkon të bëhet pjesë e historisë së kombit Kosovar. Në zëmer të qytetit 12 milion banorësh, metropolit të botës New York, në sheshin e famëshëm Time Square, do të defilohet nga studentë, dhe nxënës shqiptare të shkollave të ndryshme me veshje kombëtare, flamurin kuq e zi, dhe do të kendohët e vallzohet në shesh shqip. Më pasë festa do të kalojë në shtëpinë e Vatrës, Vatrës, së Kolosëve të Kombit. Në shtëpinë Federatës Par shqiptare të Amerikës VATRA, e udhëhequr nga mëmëdhetarët e shquar, F.Konica, F. Noli, K. Dako , K. Thanasi etj. dhe deri sot tek A. Karagjozi. Më pasë Lëvizja e Legalitetit për Amerikë, ka ftuar edhe Ligën Qytetare Shqiptaro Amerikanë ta festoin së bashku. Ish luftëtarët e Bataloinit luftarak "Atlantiku" dhe fondacioni Vendlindja

Pavaresia e Kosoves, festa do festohet Prishtine-Shkup-Tirane

Ora 09:00-Festa ne Prishtine dhe ne qytetet tjera kosovare filloi qe mbreme dhe do te vazhdoje dhe gjithe diten e sotme. Pavaresia e Kosoves do te festohet edhe ne Tirane, Shkup dhe qendrat tjera te banuara me shqiptare. Nderkohe te gjithe lideret kane bere thirrje qe festa te jete dinjitoze dhe ne qetesi te plote.

Nderkohe, kane arritur mbeshtetjet e para per pavaresine e Kosoves.
Britania e Madhe mbreme ka bere te ditur se eshte e gatshme ta mbeshtese pavaresine e Kosoves dhe te ofroje mbeshtetje ushtarake nese e do nevoja. Kjo eshte bere e ditur nga Qeveria ne Londer, e cila ka thene se plani i Ahtisaarit eshte "menyra me e mire per te ecur perpara".

Kryeparlamentari i Kosovës Jakup Krasniqi do të bëj homazhe në kompleksin memorial të Adem Jasharit në Prekaz

Ora 08:45 Kryetari i Kuvendit të Kosovës, Jakup Krasniqi me bashkëpunëtorë e tij, sot në orën 09:00, do bëj homazhe në kompleksin memorial të komandantit legjendar të UÇK-së, Adem Jashari në Prekaz.

Prishtina zgjohet e qete, masa te larta sigurie ne qytet

Ora 08:00-Ne prag te shpalljes se pavaresise se Kosoves, Prishtina zgjohet e qete pas festes se mbremshme. Aktivitetet pritet te nisin ne oren 10:00 ndersa bien ne sy masat e larta te sigurise nga forcate UNMIK dhe ato te SHPK-se.j Gatë gjithë natës rënia e dëborës ka shtuar sic duket romancën e kësaj dite duke e veshur prishtinën me ngjyrën e bardhë. Në orët e para pak njerëz shihen në rrugë. Ata që kanë dalë të parët janë njerëzit që janë të përfshirë në punët përgatitore për ceremonitë e rastit të ditës së madhe. Pjesa tjetër ka dalë për të blerë gazetat e fundjavës, të cilat gjithashtu kanë dalë me kryetituj për pavarësinë e Kosovës. Hotelet janë tejmbushur në Prishtinë, pasi mijëra të ardhur nga vende të tjera janë dyndur në kryeqytetin e shtetit të ri.

Sot ne oren 15:00 Kosova shpall pavaresine

Ora 07:30-Sot do te shpallet pavaresia e Kosoves duke realizuar keshtu endrren shekullore te mijera shqiptareve.. Shpallja zyrtare do te behet ne nje seance te jashtezakonshme parlamentare ne oren 15:00. Ndersa 3 lideret kryesore ne vend, Presidenti Fatmir Sejdiu, kryeministri Hashim Thaci dhe kryetari i Kuvendit, Jakup Krasniqi do te dalin ne nje konference te perbashket ne oren 18:00 ku do te japin deklarata te shkurtra per gazetaret. Pas gjysem ore, pra 18:30 ne Prishtine do te zbulohet Obelisku i Pavaresise qe do te jete dhe emblema kryesore e pavaresise se Kosoves. Ne oren 19:00 do te ndizet festa ku do te mbahet nje koncert i Filarmonise se Kosoves per tu pasuar me pas nga nje koncert madheshtor ne qender te Prishtines. Ne oren 22:50 Thaci dhe Sejdiu do te flasin perpara popullit te Kosoves kurse ne roen 23:00 fishekzjarret do te skuqin qiellin e Prishtines ne te kater anet e saj.

Kosova Shtet, vetem pak ore na ndajne nga shpallja e pavaresise

Ora 07:00-Vetem pak ore na ndajne nga Kosova Shtet. Mijera shqiptare vershuan dje ne rruget e Prishtines per te festuar shpalljen e pritshme te pavaresise se Kosoves.
Festimet filluan 24 ore me heret seç pritej. Turma me flamuj kuq e zinj i injoruan temperaturat e ulta dhe u mblodhen ne qender te qytetit te Prishtines. Makinat valeviten flamuj dhe u rane borive deri naten vone. Pati kercimtare tradicionale e daulliste, ndersa fishekzjarret ndriçuan qiellin e nates dhe deboren qe vertitej teksa temperaturat zbriten nen 12 grade celcius.

Ne nje deklarate te transmetuar ne televizion, kryeministri, Hashim Thaci tha se e diela do te jete nje dite qetesie dhe mirekuptimi, nje dite qe ai e quajti " te angazhimeve shteterore per zbatimin e vullnetit te shtetasve te Kosoves".

Kjo deklarate ishte shprehja me e afert e konfirmimit te se dieles si dite e shpalljes se pavaresise.

Sipas planeve te botuara ne disa media te Kosoves, kryeministri do te mbledhe Asamblene e Kosoves ne oren 3 me oren lokale. Pastaj ai, Presidenti dhe Kryetari i parlamentit do te mbajne fjalime te shkurtra. Dhe me kete fillojne edhe festimet zyrtare.
Ne keto festime perfshihen nje koncert i Orkestres Filarmonike, festime ne qender te Prishtines dhe ne qytete dhe fshatra mbare Kosoves.

Serbet e Kosoves qe perbejne tani vetem 5 per qind te popullsise e kundershtojne pavaresine dhe ka njoftuar me kohe se refuzojne ta njohin ate.
Dje ne kryeqytetin e Serbise, Beograd rreth 1000 demonstrues protestuan ndaj humbjes se territorit qe e konsiderojne te tyre.

Axhenda e Shpalljes se Pavaresise

10.00 Kryeministri i Kosovës del nga Selia e Qeverisë dhe shkon në Parlament – ku dorëzon kërkesën për mbledhje të një seance parlamentare të jashtëzakonshme

11.00 Kryeministri bën publike kërkesën për seancë të jashtëzakonshme të Parlamentit.

12.00 Mbledhje e Kryesise se Kuvendit

13.30 Mbledhje e grupeve parlamentare

15.00 Sesion plenar i Kuvendit të Kosovës

18.00 Deklaratë e 3 liderave në Hotel Grand – Qendra e Medias

18.30 Zbulimi i Obliskut të Pavarësisë përballë Pallatit të Rinisë në Prishtinë

19.00 Koncert i Filarmonisë së Kosovës tek Salla “1 Tetori”

20.00 Koncert në Sheshin e Prishtinës

23.00 Fishekzjarre që hidhen nga katër pjesë të ndryshme të Prishtinës

(DanielaBonollari/Antoneta Rusta/Elona Mamushi)

__________________
Respect my uh-thawr-i-tah!

Deklarata e Pavarësisë së Kosovës

Të mbledhur në mbledhje të jashtëzakonshme më 17 shkurt 2008, në kryeqytetin e Kosovës, në Prishtinë,

Duke iu përgjigjur thirrjes së popullit për të ndërtuar një shoqëri që respekton dinjitetin njerëzor dhe afirmon krenarinë dhe synimet e qytetarëve të saj,

Të zotuar për t’u përballur më trashëgiminë e dhembshme të së kaluarës së afërt në frymë të pajtimit dhe faljes,

Të përkushtuar ndaj mbrojtjes, promovimit dhe respektimit të diversitetit të popullit tonë,

Duke riafirmuar dëshirën tonë për t’u integruar plotësisht në familjen euroatlantike të demokracive,

Duke vërejtur se Kosova është një rast special që del nga shpërbërja jokonsensuale e Jugosllavisë dhe nuk është presedan për cilëndo situatë tjetër,

Duke rikujtuar vitet e konfliktit dhe dhunës në Kosovë që shqetësuan ndërgjegjen e të gjithë popujve të civilizuar,

Mirënjohës që bota intervenoi më 1999 duke hequr në këtë mënyrë qeverisjen e Beogradit mbi Kosovën, dhe vendosur Kosovën nën administrimin e përkohshëm të Kombeve të Bashkuara,

Krenarë që Kosova që atëherë ka zhvilluar institucione funksionale, multietnike të demokracisë që shprehin lirisht vullnetin e qytetarëve tanë,

Duke rikujtuar vitet e negociatave të sponsorizuara ndërkombëtarisht ndërmjet Beogradit dhe Prishtinës mbi çështjen e statusit tonë të ardhshëm politik,

Duke shprehur keqardhje që nuk u arrit asnjë rezultat i pranueshëm për të dyja palët përkundër angazhimit të mirëfilltë të udhëheqësve tanë,

Duke konfirmuar se rekomandimet e të Dërguarit Special të Kombeve të Bashkuara, Martti Ahtisaari, i ofrojnë Kosovës një kornizë gjithëpërfshirëse për zhvillimin e saj të ardhshëm, dhe janë në vijë me standardet më të larta europiane për të drejtat të njeriut dhe qeverisjen e mirë,

Të vendosur që ta shohim statusin tonë të zgjidhur në mënyrë që t’i jipet popullit tonë qartësi mbi të ardhmen e vet, të shkohet përtej konflikteve të së kaluarës dhe të realizohet potenciali i plotë demokratik i shoqërisë sonë,

Duke nderuar të gjithë burrat dhe gratë që bënë sakrifica të mëdha për të ndërtuar një të ardhme më të mirë për Kosovën,

Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës.

Ne shpallim Kosovën një republikë demokratike, laike dhe multietnike, të udhëhequr nga parimet e jodiskriminimit dhe mbrojtës së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe krijojmë kushtet e nevojshme për pjesëmarrjen e tyre efektive në proceset politike dhe vendimmarrëse.

Ne pranojmë plotësisht obligimet për Kosovën të përmbajtura në Planin e Ahtisarit, dhe mirëpresim kornizën që ai propozon për të udhëhequr Kosovën në vitet në vijim. Ne do të zbatojmë plotësisht ato obligime, përfshirë miratimin prioritar të legjislacionit të përfshirë në Aneksin XII të tij, veçanërisht atë që mbron dhe promovon të drejtat e komuniteteve dhe pjesëtarëve të tyre.

Ne do të miratojmë sa më shpejt që të jetë e mundshme një kushtetutë që mishëron zotimin tonë për të respektuar të drejtat e njeriut dhe liritë themelore të të gjithë qytetarëve tanë, posaçërisht ashtu siç definohen me Konventën Evropiane për të Drejtat e Njeriut. Kushtetuta do të inkorporojë të gjitha parimet relevante të Planit të Ahtisaarit dhe do të miratohet nëpërmjet një procesi demokratik dhe të kujdesshëm.

Ne mirëpresim mbështetjen e vazhdueshme të bashkësisë ndërkombëtare për zhvillimin tonë demokratik nëpërmjet të pranive ndërkombëtare të themeluara në Kosovë në bazë të Rezolutës 1244 të Këshillit të Sigurimit të Kombeve të Bashkuara (1999). Ne ftojmë dhe mirëpresim një prani ndërkombëtare civile për të mbikëqyrur zbatimin e Planit të Ahtisaarit dhe një mision të sundimit të ligjit të udhëhequr nga Bashkimi Europian. Ne, po ashtu, ftojmë dhe mirëpresim NATO-n që të mbajë rolin udhëheqës në praninë ndërkombëtare ushtarake dhe të zbatojë përgjegjësitë që i janë dhënë sipas Rezolutës 1244 të Këshillit të Sigurimit të Kombeve të Bashkuara (1999) dhe Planit të Ahtisaarit, deri në atë kohë kur institucionet e Kosovës do të jenë në gjendje të marrin këto përgjegjësi. Ne do të bashkëpunojmë plotësisht më këto prani në Kosovë për të siguruar paqen, prosperitetin dhe stabilitetin në të ardhmen në Kosovë.

Për arsye të kulturës, gjeografisë dhe historisë, ne besojmë se e ardhmja jonë është në familjen europiane. Për këtë arsye, ne shpallim synimin tonë për të marrë të gjitha hapat e nevojshëm për të siguruar anëtarësim të plotë në Bashkimin Evropian sapo që të jetë e mundshme dhe për të zbatuar reformat e kërkuara për integrim evropian dhe euroatlantik.

Ne i shprehim mirënjohje Organizatës së Kombeve të Bashkuara për punën që ka bërë për të na ndihmuar në rimëkëmbjen dhe rindërtimin pas lufte dhe ndërtimin e institucioneve të demokracisë. Ne jemi të përkushtuar të punojmë në mënyrë konstruktive me Organizatën e Kombeve të Bashkuara gjersa ajo vazhdon punën e saj në periudhën në vijim.

Me pavarësinë vjen detyra e anëtarësisë së përgjegjshme në bashkësinë ndërkombëtare. Ne e pranojmë plotësisht këtë detyrë dhe do t’i përmbahemi parimeve të Kartës së Kombeve të Bashkuara, Aktin Final të Helsinkit, akteve tjera të Organizatës për Siguri dhe Bashkëpunim në Evropë, obligimeve ligjore ndërkombëtare dhe parimeve të marrëdhënieve të mira ndërkombëtare që shënojnë marrëdhëniet ndërmjet shteteve. Kosova do të ketë kufijtë e saj ndërkombëtarë ashtu siç janë paraparë në Aneksin VIII të Planit të Ahtisaarit, dhe do të respektojë plotësisht sovranitetin dhe integritetin territorial të të gjithë fqinjëve tanë. Kosova, po ashtu, do të përmbahet nga kërcënimi apo përdorimi i forcës në cilëndo mënyrë që është jokonsistente me qëllimet e Kombeve të Bashkuara.

Ne, nëpërmjet kësaj Deklarate, marrim obligimet ndërkombëtare të Kosovës, përfshirë ato të arritura në emrin tonë nga Misioni i Administratës së Përkohshme të Kombeve të Bashkuara në Kosovë (UNMIK), si dhe obligimet e traktateve dhe obligimet tjera të ish-Republikës Socialiste Federative të Jugosllavisë ndaj të cilave obligohemi si ish-pjesë konstituive, përfshirë konventat e Vjenës për marrëdhëniet diplomatike dhe konsullore. Ne do të bashkëpunojmë plotësisht me Tribunalin Penal Ndërkombëtar për ish-Jugosllavinë. Ne synojmë të kërkojmë anëtarësim në organizatat ndërkombëtare, në të cilat Kosova do të synojë të kontribuojë për qëllime të paqes dhe stabilitetit ndërkombëtar.

Kosova shpall zotimin e saj ndaj paqes dhe stabilitetit në rajonin tonë të Evropës Juglindore. Pavarësia jonë e sjell në fund procesin e shpërbërjes së dhunshme të Jugosllavisë. Gjersa ky proces ka qenë i dhembshëm, ne do të punojmë pa pushim për t’i kontribuar një pajtimi që do të lejonte Evropën Juglindore të shkojë përtej konflikteve të së kaluarës dhe të farkojë lidhje të reja rajonale të bashkëpunimit. Për këtë arsye, do të punojmë së bashku me fqinjë tanë për të avancuar të ardhmen tonë të përbashkët evropiane.

Ne shprehim, në veçanti, dëshirën tonë për të vendosur marrëdhënie të mira me të gjithë fqinjët tanë, përfshirë Republikën e Serbisë, me të cilën kemi marrëdhënie historike, tregtare dhe shoqërore, të cilat synojmë t’i zhvillojmë më tej në të ardhmen e afërt. Ne do të vazhdojmë përpjekjet tona për t’i kontribuar marrëdhënieve të fqinjësisë dhe bashkëpunimit me Republikën e Serbisë duke promovuar pajtimin ndërmjet popujve tanë.

Ne, nëpërmjet kësaj, afirmojmë në mënyrë të qartë, specifike dhe të parevokueshme se Kosova do të jetë ligjërisht e obliguar të plotësojë dispozitatat e përmbajtura në këtë Deklaratë, përshirë këtu veçanërisht obligimet e saj nga Plani i Ahtisaarit. Në të gjitha këto çështje, ne do të veprojmë në pajtueshmëri në parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Ne shpallim publikisht se të gjitha shtetet kanë të drejtën të mbështeten në këtë Deklaratë, dhe i bëjmë apel të na ofrojnë përkrahjen dhe mbështetjen e tyre.