Skandali, diploma false shqiptarëve për 7 mijë euro

[guest]

Fatbardh Rama

Një diplomë universiteti mund ta sigurosh edhe nëse nuk i ke parë ndonjëherë auditoret e tij. Mjafton të paguash 7 mijë euro, dhe dokumenti që vërteton studimet universitare është në dorën tënde. Gjithçka ka ndodhur në Universitetin e Tetovës, në Maqedoni. Një grua nga qyteti shqiptar i vendit fqinj ka arritur të falsifikojë rreth 50-60 diploma të tilla për "blerësit" e saj. Disa biznesmenë maqedonas e shqiptarë kanë përfituar, e madje edhe një deputet i legjislaturës së mëparshme të Kuvendit të Shqipërisë ka siguruar diplomën prej saj.
Skandali
Skandali në Universitetin e Tetovës është zbuluar nga policia maqedonase. Sipas saj, një grua nga Tetova me inicialet Gj.S, nga viti 2003 deri në vitin 2008 iu ka shitur shtetasve nga Shqipëria për pesë vjet, diploma false kundrejt një vlere nga 1000 euro deri në 7000 euro. Siç ka bërë të njohur policia maqedonase, gruaja me inicialet Gj.S ka punuar pranë Universitetit Shtetëror të Tetovës, në firmën "Tetova Tabak" dhe kishte arritur jo vetëm të prodhonte diplomat, por të falsifikonte mjeshtërisht firmat e dekanit dhe të rektorit të Universitetit të Tetovës. Burimet policore kanë thënë se ajo kishte arritur deri aty, sa të falsifikonte edhe indeksin duke depërtuar në dokumentet origjinale të Universitetit të Tetovës. Menjëherë hetuesit e policisë së Tetovës kanë kontrolluar "Tetova Tabak", ku punonte falsifikatorja GJ.S, ku kanë gjetur dokumente të shumta si indekse, certifikata diploma false.
Falsifikimet
Pas ekspertizës është vërtetuar se i gjithë dokumentacioni ka qenë i falsifikuar mjeshtërisht dhe është një shifër shumë e madhe biznesmenësh dhe njerëzish të tjerë nga Shqipëria që kanë siguruar një diplomë të falsifikuar me siglën e Universitetit Shtetëror të Tetovës nga falsifikatorja 46-vjeçare Gj.S, e cila iu merrte për një diplomë juridiku, 7000 euro dhe me radhë, një diplomë ekonomiku, 5000 euro dhe ato të mësuesisë ishin më të ulëta, vetëm 1000 euro. Sipas burimeve policore, që ende nuk bëjnë të njohur emrin, edhe në parlamentin e kaluar shqiptar ka qenë një deputet i këtij parlamenti me diplomë false nga ky burim. Policia po heton në lidhje të ndryshme që janë krijuar, pasi ka në dorë indeksin dhe certifikatat e personave nga Shqipëria që janë pajisur me këto diploma të falsifikuara. Hetimet po vazhdojnë ende, ndërsa nuk janë zbuluar emrat e biznesmenëve që kanë marrë diplomat nga kjo grua.

[Romina]

Te ne dihen keto gjera perderisa tani jane bere edhe çobanet me fakultet! Po te pakten diplomen e mjekesise mos ta blejne me para se do marrin ne qafe njerez te pafajshem (siç kane marr).
Jam kurioze te di kush do jete ai deputeti, se me siguri nuk eshte i vetmi....

[sabah]

Nje diplome te tille me sa duket ka marre edhe deputeti Tom Doshi.Duke u ndikuar nga fjalet se Tom Doshi nuk e ka mbaruar ne te vertete universitetin e Tetoves,nje gazetar e ka insistuar ta intervistoje Doshin se si eshte e verteta rreth kesaj teme ne vitin 2008.Por ne vend te pergjigjes ne fjale gazetari Besar Likmeta ka marre grushta nga ana e Doshit dhe njerezve qe e shoqeronin ate.Sipas deklarimit te pasurisë (për vitet 2003, 2004, 2005), publikuar ne raportin Unë Votoj, Tom Doshi është deputeti me i pasur i Kuvendit te Shqipërisë me një total pasurie prej 1.090.171.456 leke. Ndërkohë qe gjate periudhës 2006-2007 pasuria e tij është rritur me 87.021.651 leke, duke u renditur kështu deputeti i dyte ne ndryshimin me te madh te pasurisë.

[cuni]

po tom doshi eshte akoma deputet me duket mua edhe kete legjislature! po un mendoj se nuk eshte vetem doshi qe ska diplome, ka pas dhe ka akoma te tjere, deputet pashkollsa.....mjafto te kesh noi biznes dhe 2 miq, hudh ca lek aty ke katuni jot shtro nja 2 rrugica, shitja ato patatet qe kan mjell ato katunaret dhe ja ku u bone deputet. per cfare duhet shkolla?

[guest]

me diplome apo pa diplome idjotet nuk ndryshojne nuk behen me te mencur apo me fisnike

[cuni]

pastaj une nuk e kuptoj pse shkoni deri ne tetove ju???!! ka ne shqiperi raste sa te duash......universiteti kristal eshte nje nder me te shquarit ne vendin tone.......

[guest]

Romina vertet kane dhene diploma mjekesie apo ja fute kot? po me hyn frika me kete qe the...

[sweet_s_shejtone]

skandal...plas koken e meso po deshe...

[Romina]

Romina vertet kane dhene diploma mjekesie apo ja fute kot? po me hyn frika me kete qe the...

guest une nuk di ndonje rast qe te kene dhene diploma mjekesie, por kjo s'do te thote qe nuk ka ndodhur... Perderisa s'ka ngel fakultet pa dhene diploma fallse s'ma merr mendja te kete shpetuar fakulteti i mjekesise, se ngelem duke degjuar raste vdekjesh apo perkeqesim te semundjes qe ndodhin per fajin e mjekeve.