Manchester United turpëron Milanin

**sabah** · 11-03-10 05:34 AM

Manchester Unitedi ka siguruar kualifikimin në çerekfinale të Ligës së Kampionëve duke eliminuar Milanin me rezultat të përgjithshëm 7-2.
Takimi i parë i 1/8 së finales të Ligës së Kampionëve i zhvilluar në San Siro, përfundoi me fitoren e Manchesterit me rezultat 3-2, ndërsa ndeshja e zhvilluar të mërkurën mbrëma në Old Trafford i takoi sërish skuadrës angleze, e cila shënoi fitore me rezultat 4-0.Festa e lojtarëve të Manchester United Në pjesën e parë, mysafirët patën më shumë nga loja, sa i përket statistikave, mirëpo vendasit ishin më efikas duke realizuar një herë.
Ishte lojtari në top-formë, Wayne Rooney, ai i cili e ndëshkoi Milanin, pasi arriti të shënojë me kokë, pas një harkimi të Gary Neville (13’).
Porsa filloi pjesa e dytë (46’), në Teatrin e Ëndrrave u rishfaq ‘ëndrra e keqe e Milanit’- superRooney, i cili realizoi golin e dytë në këtë ndeshje, dhe të katërtin kundër Milanit në të dyja takimet.Ji-Sung Park Në minutën e 59-të, Ji-Sung Park shoi shpresat e Rossonerëve për kualifikim duke shënuar edhe golin e tretë për Djajtë e Kuq, pas një pasimi të Paul Scholes.
Për të turpëruar edhe më shumë Milanin, u përkujdes Darren Fletcher i cili realizoi edhe golin e katërt (88’) dhe në këtë mënyrë kuqezinjtë u eliminuan nga gara më prestigjioze e futbollit evropian për klube.

**cuni** · 11-03-10 07:22 AM

kur nuki futi nja 10, se nuk kam te ngop.....inot shume e kom ate milanin , ekip antipatik

**sabah** · 11-03-10 08:04 AM

Po ben kohe qe Milani e ka humbur shkelqimin e dikurshem.Ska me pare si dikur per futbollistet.Berluskes i ka ikur interesi per futbollin,eshte kthyer ne feminist tash ne kohe pleqerie.