Çfarë mendojnë meshkujt për lakuriqësinë?

[sabah]

Duke i u falënderuar hulumtuesve amerikanë, zyrtarisht mund të themi se meshkujt në të vërtet i shikojnë femrat gjysmë lakuriqe sikur objekte.

Kohët e fundit është bërë trend, që femrat të vishen në mënyrën më provokative të mundshme vetëm që të duken më atraktive për meshkujt. Një studim i fundit, i realizuar nga disa ekspertë amerikan, ka nxjerrë në sipërfaqe një konstatim tjetër në lidhje me këtë çështje. Shkencëtarët skanuan trurin e meshkujve, të cilët shikonin fotografi të femrave në bikini dhe zbuluan se gjatë kësaj kohe tek ata ishte aktivizuar regjioni i trurit, i cili zakonisht reagon në objekte. Edhe më interesant ishte fakti se kur këto fotografi ju tregoheshin meshkujve, të cilët kishin tendenca më të mëdha seksuale, regjionet e trurit për marrëdhënie shoqërore deaktivizoheshin.

Udhëheqësja e ekipit të ekspertëve të studimit, prof. Susane Fiske nga Universiteti i Princeton, ka dhënë informacione më të hollësishme duke nënvizuar faktin se, kjo është dëshmi se femrat provokative nuk konsiderohen si qenie njerëzore nga disa meshkuj.

"Nuk po them se ata i shikojnë ato plotësisht si objekte, natyrisht ata e dinë se ajo është qenie njerëzore,",-ka thënë profesoresha. "Por skanimet e trurit tregojnë, që ata reagojnë me fotografinë njësoj sikur njerëzit reagojnë me objektet. Sikur ato të mos ishin plotësisht njerëzore. Ata nuk i trajtojnë ato femrat me bikini në fotografi, si qenie të plota tre-dimenzionale". Një pjesë të fajit e kanë mediat, të cilat na bombardojnë me fotografi me femra lakuriq thotë, Fiske. Meshkujt thjesht mësohen me këto fotografi. Si efekt i kësaj është se këto femra shikohen gjithnjë e më pak si qenie njerëzore. Kjo sidomos është shprehur në vendin e tyre të punës. Studimet treguan se meshkujt, të cilët intervistojnë femra seksualisht atraktive sillen shumë më ndryshe se sa me femrat dhe meshkujt tjerë. (botasot)

[cuni]

po normal pra! se objekt quhet kur ke nje foto perpara........